الاثنين، أكتوبر 30، 2006

الـــــبــدايـــــــة

اكيد أي حد هيجي هنا هيقولي انت ليه سميتها الاسم ده؟
هقوله علطول خبط لزق ملكشي دعوة مهو مش كل من هب ودب يجي يسأل هنا........ ليه هيا سايبة؟"أثر اعلانات التلفزيون"
المهم لكن طبعا لو اخواننا وحبايبنا بتوع المكاتب المظلمة- قصدي شبة المظلمة-يوووووة قصدي المنورة باصحابها طبعا استضافوني وقدمولي واجب الضيافة اللي طبعا هيظهر علي كل ملامحي حتي علي صوتي -آآآآآآآآآآه يارقبتي-
المهم وسألني البيه ال؟؟؟ط وقال سمتها كدة ليه يلا ؟
طبعا هيبقي نفسي اقوله وانت مال ؟؟؟؟! بس مش هاقول عشان انا مؤدب-عدوها خلوها مؤدب-
بس طبعا مش هينفع بل علي العكس يحث السؤال رد الفعل العكسي عندي
وارد بدون تردد :يابيه أصل الحواديت دي كانوا بيحكوهالنا واحنا صغيرين عشان يضحكوا بيها علينا وينيمونا بس دلوقتي واحنا كبار بيضحكوا بيها علينا برضه بس واحنا صاحيين وفايقين وزي الفل
هيرد البيه ال؟؟؟ط وهو يزم شفتيه امتعاضا"مش عارف امتعاضا دي جت ازاي المهم" ويقولي : طب والباقي ياروح ؟؟؟؟.
مازال الرد العكسي متولي القيادة: يابيه اصل الخزعبلات دي بتخرج من أصحاب العقل التالف- اللاسع يعني -اللي محدش ياخد عليه مهو لو اتاخد علي كلامه هيسافر بالسلامة
والحركات بقي يابيه دي حركة لا ارادية للي عنده صرع واحنا بعون الله كلنا عندنا صرع...............الشعب كله عنده جنان وصرع واللي بيعقل منهم بيمسك البلد
وعشان الحاجات دي كلها يابيه مش موجودة في اي حتة اولم يبتلي بها اي حد تاني فعشان كدة اسمها مصريااااااااااا.......آآآآآآآآآآآآآآآآآآآآآآآآآي
ملحقتش اكمل الكلمة ولقيت صوت أجش وأيد اكثر اجششاشا "معرفشي مصدرها ايه الكلمة دي عشان محدش يسال"
الصوت بيقول: خدوووووووووووووووووووووه
والايد بتقول كلام بيوجع
المهم كفاية البداية دي
لحسن نروح
المراجيييييييييييييييييييييييييييييييح

هناك 3 تعليقات:

غير معرف يقول...

الى الامام وعايزين المزيد من الخزعبلات

ماجد,,

غير معرف يقول...

enta fakarteny be elkaseda de
وصية خروف لأبنه
ولدي إليك وصيتي عهد الجدود

الخوف مذهبنا نخاف بلا حدود

نرتاح للإذلال في كنف القيود

و نعاف أن نحيا كما تحيا الأسود

كن دائما بين الخراف مع الجميع

طأطئ وسر في درب ذلتك الوضيع

أطع الذئاب يعيش منا من يطيع

إياك يا ولدي مفارقة القطيع



لا ترفع الأصوات في وجه الطغاة

لا تحك يا ولدي ولو كموا الشفاه

لا تحك حتى لو مشوا فوق الجباة

لا تحك يا ولدي فذا قدر الشياة


لا تستمع ولدي لقول الطائشين

القائلين بأنهم أسد العرين

الثائرين على قيود الظالمين

دعهم بني و لاتكن في الهالكين


نحن الخراف فلا تشتتك الظنون

نحيا وهم حياتنا ملىء البطون

دع عزة الأحرار دع ذلك الجنون

إن الخراف نعيمها ذل وهون


ولدي إذ ما داس إخوتك الذئاب

فاهرب بنفسك وانج من ظفر وناب

و إذا سمعت الشتم منهم والسباب

فاصبر فان الصبر اجر وثواب

إن أنت أتقنت الهروب من النزال

تحيا خروفاً سالماً في كل حال

تحيا سليماً من سؤال واعتقال

من غضبة السلطان من قيل وقال

كن بالحكيم و لاتكن الأحمق

نافق بني مع الورى وتملق

و إذا جررت إلى احتفال صفق

و إذا رأيت الناس تنهق فأنهق


انظر ترى الخرفان تحيا في هناء

لاذل يؤذيها ولا عيش الإمــاء

تمشي ويعلو كلما مشت الثغاء

تمشي و يحدوها إلى الذبح الحذاء


ما العز ، ما هذا الكلام الأجوف

من قال إن الذل أمر مقـر ف

إن الخروف يعيش لا يتأفـف

مادام يسقى في الحياة ويعلف

mankoooooooool

غير معرف يقول...

بجد البداية مش سودا اوى يعنى
هى ممكن رمادى شوية
بس ان شاء الله النهاية ابيض زى الفل لما ربنا ينجينا كده ونخلص

بجد وصية الخروف لابنه عجبتنى جدااااااااااااااااا