الأحد، فبراير 18، 2007

ثمن المرأة ......شبهة حول الإسلام

بسم الله الرحمن الرحيم
طبعا كلنا بنقابل يوميا شبهات وافتراءات تطرح من كل حدب وصوب حول الاسلام ولكن الحمد لله كلها تزيدك يقينا اننا صح والباقي خطأ
مصدر الموضوع هو برنامج اسمه البتار للرد علي الشبهات ولكن مع بعض التعديلات والاضافات البسيطة
وبتقول ايه الشبهة: ان المرأة تشتري في الإسلام بمهر زي البضاعة اللي بتتباع بتمن

اللي يظن ده فهو واهم
ده بالعكس هو دليل أنها هي المصونة والمرغوب وهناك أسباب كتيرة لده منها

تكريم المرأة بأن تكون هي المطلوبة مش الطالبة، واللي الرجل بيسعالها مش هي اللي بتسعاله، فهو الذي يطلب ويسعى ويبذل.

2ـ إظهار الرجل رغبته في المرأة ومودته لها، يعني بيديها المال نـحـلة-أي عطية وهدية وهبة -منه، مش تمن للمرأة زي ما بيقول المرضي , وفي ذلك يقول القرآن بصريح العبارة: (وآتوا النساء صدقاتهن نحلة فإن طبن لكم عن شيء منه نفسًا فكلوه هنيئَا مريئَا). (النساء: 4).

3ـ الإشعار بالجدية، فالجواز مش لعبة لتسلية الرجال ، فيتزوج المرأة ويربطها به، ثم لا يلبث أن يدعها ليجد أخرى يقول لها ما قال للأولى.. وهكذا.

يعني دفع المال دليل على أن الرجل جادُّ في طلبه للمرأة، جاد في الارتباط بها،
وإذا كان الناس فيما هو دون الزواج وحياة الأسرة يدفعون رسومًا وتأمينات وعرابين، فالأولي أن تكون حياة الأسرة أحق بذلك وأولى. ومن هنا يفرض الإسلام نصف المهر على من تزوج ثم طلق قبل أن يدخل بالزوجة أو يمسها، تقديرًا لهذا الميثاق الغليظ والرباط المقدس، مما يدل على أن الاستمتاع ليس هو الأساس، فهنا لم يحدث أي استمتاع، قال تعالى:
(وإن طلقتموهن من قبل أن تمسوهن وقد فرضتم لهن فريضة فنصف ما فرضتم إلا أن يعفون أو يعفو الذي بيده عقدة النكاح). (البقرة: 237).
4ـ أن الإسلام قد جعل القوامة بيد الرجل، لقدرته الفطرية على التحكم في انفعالاته أكثر من المرأة، ولأنه أقدر الجنسين على إدارة هذه الشركة، فمن العدل أن يدفع الرجل في مقابلة هذا الحق الذي أعطي له، حتى لا يتهاون في هدم الأسرة لأدنى سبب، لأنه الغارم في بنائها، فإذا تهدمت كان هدمها على أم رأسه. قال تعالى: (الرجال قوامون على النساء بما فضل الله بعضهم على بعض وبما أنفقوا من أموالهم). (النساء: 34).

مؤيدات ومؤكدات:
ومما يؤيد ما قلناه ويؤكده جملة أدلة منها:
1ـ أن الشرع رغَّب في تقليل المهر، وعدم المغالاة فيه، وهذا ما وضحته السنة القولية والعملية.
وقد تزوج النبي -صلى الله عليه وسلم- بعض نسائه على دراهم قليلة.
وكذلك زوج بناته بأيسر المهور، ويكفي في ذلك مهر أحب بناته إليه، وهي فاطمة الزهراء سيدة نساء العالمين، فقد مهرها علي درعًا له! رضي الله عنهما.
2ـ وردت السنة الصحيحة أن النبي -صلى الله عليه وسلم- زوج بعض النساء من بعض الرجال على غير مال أصلاً، حين قال له:" التمس ولو خاتمًا من حديد"(الراوي: سهل بن سعد الساعدي - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 5871 )، فلم يجد شيئًا حتى هذا الخاتم. ووجد عند الرجل بعض سور من القرآن يحفظها، فقال له"زوجناكها بما معك من القرآن"!.
3ـ أن الاستمتاع قدر مشترك بين الرجل والمرأة، فكما أن الرجل يستمتع بامرأته، فالمرأة تستمتع بزوجها، وإلى هذا أشار القرآن الكريم بقوله:
(أحل لكم ليلة الصيام الرفث إلى نسائكم هن لباس لكم وأنتم لباس لهن). (البقرة: 187).

فكل منهما يؤدي للآخر ما يؤديه اللباس من الستر والوقاية والدفء والزينة، والالتصاق، وكل ما توحي به كلمة " اللباس " في هذا المقام.
فلا يصلح استمتاع الرجل بزوجته أن يكون مقابلا للمهر، مادام أمرًا مشتركًا بينهما.

4ـ أن القرآن أشار إلى دعائم الحياة الزوجية، فجعلها دعائم معنوية في الأساس لا حسية، فقال تعالى: (ومن آياته أن خلق لكم من أنفسكم أزواجًا لتسكنوا إليها وجعل بينكم مودة ورحمة إن في ذلك لآيات لقوم يتفكرون). (الروم: 21).

فالسكون والمودة والرحمة أمور عاطفية نفسية، وإن كان قد يدخل في السكون إلى الأزواج الجانب الجنسي، الذي يجعل كلا منهما ينجذب إلى الآخر بحكم الفطرة، وبمقتضى قانون الزوجية العام في الكون كله.
على أن الإسلام لا ينظر إلى الصلة الجنسية المشروعة على أنها أمر مستقذر لا يليق بالإنسانية المؤمنة، كما هي حياة الرهبان وأمثالهم، بل قال تعالى: وهو يتحدث عن الصيام وأحكامه، والدعاء وآدابه: (أحل لكم ليلة الصيام الرفث إلى نسائكم هن لباس لكم وأنتم لباس لهن).

الأربعاء، فبراير 14، 2007

بين الكفر و الايمان

من العجائب انك مش هتقدر تعبر عن معتقدك وانت اغلبية في هذا المجتمع الغريب وان يطالبك الاقلية بان تعدل معتقدك لانهم لا يستسيغونه يعني من الاخر حط معتقدك جوه بقك واتنيل اسكت

انت بتكلم عن ايه يا استاذ؟

اقولك يا سيدي في حلقة حوار في الممنوع بين مجدي مهنا والكاتب محمد عمارة ويا سلام بقي قال ايه ازاي يقول علي غير المسلمين كافر
لاحول ولاقوة الا بالله
والدكتور قاعد يفهمه ويقوله انت مؤمن بالقرءان ولا لا؟
يقوله اه
يقوله طب اقرأ
سورة المائدة الآية 17
سورة المائدة الآية 72
سورة المائدة الآية 73
والتاني يقوله وانا هاستفيد ايه لما أكفره
طب الواحد يقول ايه علي الناس دي اللي مش عارفة انه تكفيره لهذا هو أساس التوحيد
بس شكل الناس دي انهم مايعرفوش الفرق بين التكفير واباحة الدم وهي النقطة التي اعتذر عنها الدكتور محمد عمارة لانه لا يجوز اباحة دم غير المسلم لاعتناقه دين يخالف دين الاسلام ودي حاجة مش محتاجة كلام
المهم اللي يغيظك بقي ان السادة النصاري عايزينه اصلا ميكفرهمشي
ازاي وهما اصلا بيكفروا بعضهم
وكما قال الكاتب محمد عمارة
كلنا مؤمن وكلنا كافر وهو خلاصة الحوار
فالمسلم مؤمن بالله ربا و بمحمد -عليه وعلي آله افضل الصلاة والسلام-نبيا وكافر بما يقوله النصاري والبوذيون واليهود وهكذا
والنصراني علي العكس
لكن ان الناس اللي هما أقليه هيحكموا علي الاقلية فدي مهزلة بجد مهزلة وخطوة خطيرة
لان من حقوقه التي أمرنا بها الاسلام انا نحسن اليهم ونتعامل معهم ونبيع اليهم ونشتري منهم
لكن انهم يقولولنا نعمل ايه ومنعملش ايه
يبقي يارب استرها

الثلاثاء، فبراير 13، 2007

فز ياد انت وهو وهي وصوتوا .........يا خراشي

السلام عليكم
ياشباب انا كنت ناوي اعمل موضوعين جداد الاول بعنوان "بين الايمان والكفر" والثاني" أنا كافر"بس لقيت اني في ناس كتير من اللي بيخشوا علي المدونة بيبقوا بيبحثوا عن شيء في محركات البحث واللي جاي من مجمع المدونات وهكذا فقلت اشوف بقي الناس دي ايه نظامها طلعت بحاجة من المدونة دي ولا لا
عايز رأي كل واحد يخش هنا
وطبعا هافوت بريزة لكل واحد يكرمني
وطبعا كل اللي هيكتب كدة ولا كدة انا عارفه ماشي ياولا منك له




كيف تجد هذه المدونة؟
ممتازة
جيدة
مقبولة
تعبانة
  
Free polls from Pollhost.com



لقيت اللي كنت بدور عنه في هذه المدونة؟
ايوة الحمد لله
لا مش لاقيه
جزء منه
ولا ليه علاقة أصلا باللي كنت بدور عليه
ايه ياعم اللي انت كاتبه ده اصلا ، انا صدعت
ربنا يكرمك بجد رغم اني ملقتش اللي بدور عليه
  
Free polls from Pollhost.com

الأحد، فبراير 04، 2007

تي جان وعفاريت ........

معرفش في شوطة ماشية في المدونات اليومين عاملة زي انفلونزا الطيور
نفسي اعرف مين سبب هذا الفيروس حيث اتضح اصابات واسعة للمدونين في البوجسبوت وايضا بؤرة اخري في الوردبرس ومازالت الاصابات متواصلة
وللاسف الواحد مش هيعرف يهرب منها لان الاصابة بقت ثلاثيةالاول
والثاني الاخ خالد حواديت
والثالث الحج صبح صبح علي علوكة
فسأضطر رغما عن انفي اللي هيا عزيزة عليا قوي اني اتنيل اكتب لهم وارد علي المحضر
تم فتح المحضر في ساعته وتاريخه

إيه اللي هيحصل لإيميلك لما تموت؟
علي حسب
1- لو ادبست واتجوزت وكان الست نتاوية برضك يبقي هتورثه وتورثه للاولاد والاحفاد
1- لوربنا سترنا و ما اتدبستش والله علي حسب يعني لو مت دلوقتي الميل هياخد وقت لغاية لما يتملي ويتعمله اوف او لو الشركات اللي بتقد م الخدمة وصلته لتسعمية ميجا فهقعد فترة اطول اخنق علي الناس وما اردش عليهم
اديت الباسوورد لحد قبل كده؟
لغاية دلوقتي لا لسه ولسه محافظ عليه لغاية دلوقيت اصل الباسورد عندنا زي عود البرسيم لو حمار كله اكيد يبقي راح في مزبلة الدنيا
كنت هاديه بس الحمد لله
حصل خير
اسمك؟
بيقولولي وليد
اسم الدلع المشهور بيه وسط اصحابك؟
ده بقي مفيش اكتر منه
ويلي (للناس العزاز بس)
ويلو (عزاز بس من الناحية الشمال)
فيري(اصحابي الانتيخ)
عمرك؟
ليه الاسئلة المحرجة دي27 وحبة فكة
برجك؟
برج القاهرة الدور الاول اصلي وطني طحن
دراستك ؟
هندسة تربينات ومضخاااات و زيتات وشحمات وكرانكات
شخصيتك نوعها ايه ؟
استقصائي متوطن داخل القوقعة الفعلية للعملية الدماغية والرد اللافعلي التكرري
المود بتاعك؟
ايه الاسئلة الغريبة دي!!!
طب مفيش اختيارات - بس علي العموم نضمن درجة براميلي
وقت فراغك بتعمل فيه ايه ؟
أقرا، أكتب، بالف خزعبلات شعرية، نتوركاوي قديم يعني بتعرف علي ناس ، وواقف في قصتي الاولي ومش عايزة تكمل الواضح ان الدافع لكتابتها وقف بس هاكملها باذن الله ومكن ابدا انشرها هنا ايه رأيكوا ؟
الأكلة المفضلة؟
المكرونة ام بشاميل والبت بشاميل بنتها والواد بشميل اخوها و محشى البرنجااااااااااان
الصفات اللي اخدتها من باباك؟
خدت منه كل حاجة
الصفات اللي اخدتها من مامتك؟
خدت منها كل حاجة برضك اصلي طماع
اكتر ست حاجات بتكرهها ؟
الغباء
السفالة
قلة الأدب
الجهل
الخيانة
الكذب
الحكومة المصرية
اكتر ست حاجات بتحبها؟
الشعر
التجارة
الحب
الادارة
البيت
الذكاء
الشغل بالنسبه لك؟
شر لابد منه
الانترنت بالنسبالك؟
مجتمع وحياة رغم ما لا يلقاه من احتقار الناس والتهاون في علاقاتهالتاج التاني
خمس حاجات ماحدش يعرفها عنى؟
1-اني اتفحت شغل وانا صغير يعني اشتغلت كل حاجة تقريبا وده فتح مخي لحاجات كتيرة جدا2
-اني باحث عن الحقيقة
3-اني كنت من خمس سنين بحلم اني احكم البلد دي -دلوقتي في انتخابات يعني ممكن يحصل
-4-اني بتخنق لما بتهتم لامرحد وبتسال عليه علطول بس لو مسالتش عليه مرة او اتنين ينسي اصلا انك كنت في حياته او يمسحك من حياته فتعرف انك كنت غلطان انك حطيت الانسان ده اصلا في حياتك لانه اصلا لم يضعك في نفسك المكانة
امرر التاج لمين؟
مش هامرر لحد اصلي اناني
عشان انا اصلا مش مقتنع بيه بس قلت ارد علي الناس اللي اهتمت بيا وحطت اسمي عندها في المدونة شكرا لهم ذكرهم لاسمي او انهم اصلا افتكروني