معرفش في شوطة ماشية في المدونات اليومين عاملة زي انفلونزا الطيور
نفسي اعرف مين سبب هذا الفيروس حيث اتضح اصابات واسعة للمدونين في البوجسبوت وايضا بؤرة اخري في الوردبرس ومازالت الاصابات متواصلة
وللاسف الواحد مش هيعرف يهرب منها لان الاصابة بقت ثلاثيةالاول
والثالث الحج صبح صبح علي علوكة
فسأضطر رغما عن انفي اللي هيا عزيزة عليا قوي اني اتنيل اكتب لهم وارد علي المحضر
تم فتح المحضر في ساعته وتاريخه
إيه اللي هيحصل لإيميلك لما تموت؟
علي حسب
1- لو ادبست واتجوزت وكان الست نتاوية برضك يبقي هتورثه وتورثه للاولاد والاحفاد
1- لوربنا سترنا و ما اتدبستش والله علي حسب يعني لو مت دلوقتي الميل هياخد وقت لغاية لما يتملي ويتعمله اوف او لو الشركات اللي بتقد م الخدمة وصلته لتسعمية ميجا فهقعد فترة اطول اخنق علي الناس وما اردش عليهم
اديت الباسوورد لحد قبل كده؟
لغاية دلوقتي لا لسه ولسه محافظ عليه لغاية دلوقيت اصل الباسورد عندنا زي عود البرسيم لو حمار كله اكيد يبقي راح في مزبلة الدنيا
كنت هاديه بس الحمد لله
حصل خير
اسمك؟
بيقولولي وليد
اسم الدلع المشهور بيه وسط اصحابك؟
اسم الدلع المشهور بيه وسط اصحابك؟
ده بقي مفيش اكتر منه
ويلي (للناس العزاز بس)
ويلو (عزاز بس من الناحية الشمال)
فيري(اصحابي الانتيخ)
عمرك؟
ليه الاسئلة المحرجة دي27 وحبة فكة
برجك؟
برج القاهرة الدور الاول اصلي وطني طحن
دراستك ؟
هندسة تربينات ومضخاااات و زيتات وشحمات وكرانكات
شخصيتك نوعها ايه ؟
استقصائي متوطن داخل القوقعة الفعلية للعملية الدماغية والرد اللافعلي التكرري
المود بتاعك؟
ايه الاسئلة الغريبة دي!!!
طب مفيش اختيارات - بس علي العموم نضمن درجة براميلي
وقت فراغك بتعمل فيه ايه ؟
أقرا، أكتب، بالف خزعبلات شعرية، نتوركاوي قديم يعني بتعرف علي ناس ، وواقف في قصتي الاولي ومش عايزة تكمل الواضح ان الدافع لكتابتها وقف بس هاكملها باذن الله ومكن ابدا انشرها هنا ايه رأيكوا ؟
الأكلة المفضلة؟
المكرونة ام بشاميل والبت بشاميل بنتها والواد بشميل اخوها و محشى البرنجااااااااااان
الصفات اللي اخدتها من باباك؟
خدت منه كل حاجة
الصفات اللي اخدتها من مامتك؟
خدت منها كل حاجة برضك اصلي طماع
اكتر ست حاجات بتكرهها ؟
الغباء
السفالة
قلة الأدب
الجهل
الخيانة
الكذب
الحكومة المصرية
اكتر ست حاجات بتحبها؟
الشعر
التجارة
الحب
الادارة
البيت
الذكاء
الشغل بالنسبه لك؟
شر لابد منه
الانترنت بالنسبالك؟
مجتمع وحياة رغم ما لا يلقاه من احتقار الناس والتهاون في علاقاتهالتاج التاني
خمس حاجات ماحدش يعرفها عنى؟
1-اني اتفحت شغل وانا صغير يعني اشتغلت كل حاجة تقريبا وده فتح مخي لحاجات كتيرة جدا2
-اني باحث عن الحقيقة
3-اني كنت من خمس سنين بحلم اني احكم البلد دي -دلوقتي في انتخابات يعني ممكن يحصل
-4-اني بتخنق لما بتهتم لامرحد وبتسال عليه علطول بس لو مسالتش عليه مرة او اتنين ينسي اصلا انك كنت في حياته او يمسحك من حياته فتعرف انك كنت غلطان انك حطيت الانسان ده اصلا في حياتك لانه اصلا لم يضعك في نفسك المكانة
امرر التاج لمين؟
مش هامرر لحد اصلي اناني
عشان انا اصلا مش مقتنع بيه بس قلت ارد علي الناس اللي اهتمت بيا وحطت اسمي عندها في المدونة شكرا لهم ذكرهم لاسمي او انهم اصلا افتكروني
المشاركات
هناك 9 تعليقات:
انا اول واحدههههههههههه
هيهههههههههههههههه
رائع و اتفضحتو الحمد لله
تحياتشيييي
هعهعهعهع
جامد جدا
ميمو
بقي انت صاحب الأسئلة دي
علي فكرة دي من خارج المنهج
خالد
نهعت بدل نورت
أحمد
نورت
أنا أحسدك
أنا أحسدك
أنا
أ
ح
س
د
ك
طيب يارجالة ويا بناويت
بما ان مرجعيتنا اسلامية في المدونة ديا
يبقي بنقول ان المعوذتين هي سنة النبي صلي الله عليه وسلم
ولا عزاء للحسووووووووود
استقصائي متوطن داخل القوقعة الفعلية للعملية الدماغية والرد اللافعلي التكرري
ايه اللى جاب القلعة جمب البحر؟؟؟؟
يلا ما علينا
كل تدبيسة وإنت طيب
:D
وانتي طيبة يا انسانة
بس يعني بالله عليكي دي أسئلة
الواحد حاسس انه دخل امن الدولة يتسئل
وربنا يستر
إرسال تعليق