الأربعاء، يوليو 18، 2007

بين الذكاء والغباء

السلام عليكم
وحشتني المدونة جدا وشكرا يا اماني علي سؤالك بس والله الواحد مش مطحون لا ده بعد الطحن منفوخ يعني مش عارف يتلم علي بعضه
المهم موضوع النهاردة بيتكلم عن حاجة من أخطر آفات المجتمع المصري وهي الفرق بين الذكاء والغباء فعندنا عقول جامدة جدا في التفكير ووضع الخط الا ان هناك ناس تانية مينفعشي تقول عليها عقول بيتبوظ الحاجة اللي بتبقي معمولة عشان تبقي حلوة وساعات اللي بيدي امر بحاجة مش بيبقي عارف عنها المعلومات الكافية فيدي قرار جهل او هبل واذكر في القصة دي كان في راجل المفروض انه مؤهل يبقي رئيس مجلس ادارة والمكان اللي مسكه ده يتبع الهيئة العربية للتصنيع وكان هناك 3 أنواع من الشهادات تمنح الاولي
ISO9001
وهي تمنح لمن له قدرة علي الابداع الهندسي ولديه رسومات هندسية ويمكنه تنفيذها والثانية
ISO9002
وهي تمنح لمن لديه تصاميم الا انه مقلد الفكر عن احد غيره والثالثة
ISO9003
وهي تمنح لمن لديه القدرة علي تصنيع الاشياء عن طريق رسومات وابداع غيره
فسعادة الباشا ده جه لقي المكان ده فيه الشهادتين الاولي والثانية فغضب بشدة ازاي معندهوش الثالثة ويقعدوا يفهموه انه مادام عندك الاولي والثانية يبقي انت تمام وهو دماغه ألف جزمة أبدا فقعدوا الناس يدوروا علي اي حد عايز يصنع اي حاجة مش محتاجينها هما عشان ياخدوا الثالثة
وهنا بقي هاحط فيديو عجب كنت راكب وراجع من علي الدائري كالعادة في طريقي الي البيت وراكب سيارة من اللي هيا 26 راكب
وفي نصف الطريق ما بين السلام والمؤسسة لجنة مرور وقفتنا ونزلت السائق وركب مكانه أمين شرطة عشان يوصل الناس -قلبهم طيب الناس دي ميرضيهمشي الناس تنزلو تغرم- والناس قعدت تسال التباع هو في ايه يا كابتن راح قايل الكارثة انه قرار محافظ القليوبية بمنع سيارات الرحلات من العمل كأجرة وفي غرامة 500 جنيه
امال ايه اهوده الحزم ولا بلاش دول سواقين لازم يتشكموا-بس المشكلة هما متشكموش ليه من الاول من موقف الركوب!!!!!- موضوعنا بس التخصص
-مهو التخصص حلو برضك يا شباب امال ايه- بس واحنا ماشيين علي الطريق بعد كدة لقيتك بقي حاجة تفتح النفس تبع القليوبية برضك وتمر من تحت الدائري مش بقي رحلات لا دي عربيات الناس راكبة عليها من كل حتة من برة وجوة وعلي الرفارف يعني بالعربي مرشقة ناس واللي من غير نمر واللي متنفعشي تمشي اصلا
مش بقولكم هو ده الفرق بين الذكاء والغباء مسكوا عربية زي الفل والناس قاعدة جواها باحترامها وليها رخصة ورقم وسابوا العربيات اللي متنفعشي تنقل لا مؤاخذة الحيوانات
لا حول ولا قوة الا بالله
اسيبكوا مع الفيديو

الأحد، يوليو 01، 2007

البعبع الذي يخلقونه

بسم الله والحمد لله
لو بتقرا جرايد أو بتتفرج علي التليفزيون أو بتقرا مدونات حتي ، هتلاقي حاجة واحدة هي اللي شاغلة الناس دي وهي قضية البنت التي ماتت من جرعة بنج وكانت ستختن
وطلعت علينا الست مرات البيه وقالت انها هتقوم بحملة ضد الختان وطبعا لاحظوا من قبل ان مؤتمر محاربة الختان اللي عقد في المشيخة أو دار الافتاء كان بتمويل ألماني غربي
اصلهم ياعيني بيحبونا مووووووووت وبيصرفوا فلوسهم عشان مصلحتنا
وراح منورنا المفتي في التليفزيون وصرح بان الختان حرام
وطبعا مؤتمرات بقي دي الست الكبيرة -الليدي يعني- ومادام حطت حاجة في مخها يبقي كل مصر هتنفذها غصب عن حباب عيون اي حد
المهم موضوع الختان ده ناقشته هنا قبل كدة في الموضوع الختان سنة الاسلام
اللي يغيظك ويحرق دمك ان المشكلة في القضية دي هي قضية طبية وهي كيف تقوم طبيبة ليست طبيبة تخدير بتخدير فتاة ومن أعطاها الرخصة الطبية لممارسة الطب
هي دي المشكلة يعني لا القصة قصة ختان ولا حرام
وارحمونا بقي