السلام عليكم
بقالي كتير مش لاقي وقت اكتب اي حاجة رغم كثرة المواضيع ولكن لضيق الوقت ولازدحام العمل ولكن الحمد لله سأتكلم في عدة موضوعات عالماشي وكلها تندرج تحت نفس الاسم وهو بين النقيضين
أولها: فيلم إعدام فرعون
قامت ثورة شعواء في البلد-اللي هي مصر يعني- ضد الفيلم من اسمه، فلم يشاهده أحد وانطلق المثقفون -حسب ما يسمون به أنفسهم- ليهاجموا الفيلم بما أوتو من قوة ومن سلاح في يديهم وحين يطرح أحد المناقشين فكرة حرية الابداع يهاجمه الآخرون بحجة ان هنا ليس هناك ابداعا ولا اي هباب وان ده شيء مسف ومهين ووووو ونطالب وزارة الخارجية والامم المتحدة ومراجيح السيد حسونة بالاعتراض وسحب السفير وضرب الغفير وما الي ذلك من الحمقة الزيادة شوية ولكن علي النقيض وبنفس الأشخاص وحين يطرح فكرة النص والفقه تراهم يدعون التطاول علي الصحابة والتابعين من حرية الابداع بل رأي احدهم بان كتاب نوال السعداوي إله يستقيل -والعياذ بالله من الاسم- حرية ابداع فهذا هو النقيضين
ملحوظة لا يظن البعض اني مع الفيلم وانما طرحت الفكرة لتوضيح وجهة النظر وان حتي هم وافقوا علي ان حريةالابداع مطلقة فهم مخطئون
ثانيها: مصر وايران
حين قامت مصر باطلاق قمر صناعي جبار اقام المهللون الدنيا ولم يقعدوها بان مصر دخلت دول الأقمار الصناعية والطفرة التكنولوجية رغم أن القمر صنع في فرنسا واطلق من بلد آخر ولم ين لمصر اي فضل علمي فيه الا انه يبث أفلاما ومسلسلات فلم يكن علميا ولا بحثيا ولا تخابراتيا ولا اي شيء ذا فائدة ومنذ ذلك الحين ونحن محلك سر ولم نتقدم قدر أنملة بينما علي النقيض قامت ايران بتصنيع أول قمر صناعي بالتعاون مع روسيا في العام 2004والآن ها هيا تعلن نجاحها في تصنيع أول صاروخ لحمل الأقمار الصناعية والتي أطلقوا أولها للاتصالات وسيكلمونهم عشر أقمار صناعية بتصنيع ايراني خالص
ثالثهما:مبارك ومشرف
سبحان الله علي النقيضين فباكستان الآن تمتلك القنابل النووية ورغم الحالة الاقتصادية والعلمية لديها فقد استطاعت الاحزاب اجبار الرئيس الباكستاني علي الاستقالة-رغم القبضة الحديدية علي السلطة والجيش- بينما في مصر منذ سنين انطلق عديدون يترجون الرئيس مبارك ان يترك الحكم فمن حركة كفاية الي غيرها ولكنها غير مؤثرة سياسيا كما هي الاحزاب الباكستانية فياتري لما هذا التناقض حتي باكستان مش عارفين نقلدها
رابعهما: العربي واللغات الأخري
هنا بقي البلد بتاعتنا تتجسد فيها قمة التناقض حيث تدعي في الدستور ان اللغة الرسمية للبلد هي اللغة العربية بينما تسمح لجميع بلاد الدنيا ان تفتح أفرعا لجامعاتها في مصر وتدرس لغاتها ولا تشترط عليهم تدريس منهج اللغة العربية كشرط للنجاح وهذا طبعا بعد تهجين الجيل بالمدارس الاجنبية التي تسلم للجامعات الأجنبية جيلا مذبذبا بين الاثنين وقليلا ما يعرفون شيئا عن لغتهم الأم فلا يستطيع التمييز بين الفتحة والكسرة والضمة بل انه لأسف منذ أياما وفي برنامج الطبعة الأولي علي قناة دريم كان الضيف أديبا هو يوسف القعيد وكان يتكلم ثم ذكر معني آية وقال بأنه مش عايز يقول الآية عشان ميغلطش -رغم احترامنا لهذا- الا انها كارثة ان يكون أديبا حفظ القراءن في كُتاب القرية الا ينطق ويتذكر الآية الكريمة وهذا كله نتيجة التناقض بين سياسة البلد وبين المعلن
البقية تأتي
السبت، أغسطس 30، 2008
بين النقيضين....1
الخميس، أغسطس 07، 2008
وقفة مصرية .... لمصلحتنا كلنا
الفقرة الأولى: عن زيارتي لبعض أرياف أسيوط
وقفة مصرية ... لمصلحتنا كلنا: من المسئول عن غياب التوعية الدينية في الأرياف المصرية؟
الصورة أدناه هي صورة مقام الشيخ الفلاني و التي سميت العزبة باسمه.
حوار (1)
=ما له بقى الشيخ دا؟
# دا بيقولوا إنه كان بيحارب في كذا معركة و ما حصلهوش حاجة.
= و إيه كمان؟
# و كان ليه كرامات، و هو في قبره دلوقت جسمه زي ما هو، و عشان كدا عملوا له مقام و مولد كل سنة... دا هو اللي حامي العزبة و البلد.
= اتقي الله يا شيخ! بقى هو اللي حامي العزبة برضه!؟ دا ربنا هو اللي بيحمي.
# أيوه ... بس ... برضه ... يعني الشيخ ....
= ربنا هو الحافظ يا فلان...
#......
حوار (2)
# مدد يا شيخ الفلاني.
= لأ... قول مدد يا رب.
# مدد يا ربّ.
حوار (3)
= هو إيه البتاع اللي فوق المقام دا؟
# دا دش قمر صناعي ... بعيد عنك.
= بيعمل إيه هناك؟
# أهو بقى ... ربنا يهديه ... اللي قاعد يحرس المقام، طول النهار والليل مشغل التلفزيون ع الدش و رقص و مسخرة، و ما بيركعهاش!!!
= جنب القبر؟!! مش بيتعظ؟
# ربنا يهديه..
طبعا دا غير المخالفات الكثيرة على الرغم من أن المجتمع هناك محافظ بما لا يقاس بالمقارنة بالمجتمعات الحضرية (البندر)..
مخالفات في تفشي مصافحة الرجال و النساء، و عدم الاهتمام بالحجاب الشرعي و الصلاة، و تفشي التدخين و ضحالة خطب الجمعة و ندرة الدروس العلمية أو الوعظية، و تضييع الأوقات على التلفزيون، و اهتمام كل واحد بشئونه و عدم اكتراثه بمآسي باقي عائلته ... و غيره!
وقفة مصرية ... لمصلحتنا كلنا: من المسئول عن تدهور الزراعة و الثروة الحيوانية في الأرياف المصرية؟
الحقيقة الأولى: وزير الزراعة (السابق) المصرائيلي -عليه من الله ما يستحق- استورد البذور من إسرائيل و من يومها خابت كل الزراعات، كما أنه كان يجبر الفلاحين على زراعة محاصيل بعينها و يمنعهم من محاصيل أخرى ... مراعاة لمصالح إسرائيل!
الحقيقة الثانية: الوزير أرسل بعض المهندسين المصريين إلى إسرائيل للتدريب لكن الحقيقة أنهم نقلوا الخبرة المصرية للإسرائيليين الذين أخذوا البذور المصرية و طوروها و تفوقوا علينا الآن، لدرجة أنهم باستخدام الهندسة الوراثية أصبحوا يزرعون القطن ملونا بألوان طبيعية فلا يحتاج إلى صبغه!
الحقيقة الثالثة: إسرائيل أصبحت تحتل مكانة مصر في السوق العالمية رغم أن الأرض المصرية تصلح للقطن طويل التيلة!
خبر قديم ]أعلن مصدر في أوساط مصدري القطن المصريين أن إحدى شركات القطاع الخاص المصرية تعاقدت للمرة الأولى هذا الموسم –أوائل 2005- على استيراد 2500 طن من قطن بيما الإسرائيلي، وذلك في إطار اتفاقية المناطق الصناعية المؤهلة "الكويز" التي وقعت عليها مصر وإسرائيل والولايات المتحدة في أواخر العام الماضي، وأشار المصدر إلى أن الشركة المصرية لجأت لاستيراد القطن الإسرائيلي ضمن النسبة المنصوص عليها[...
الحقيقة الرابعة: مصر ليس لديها الآن سوى الأقطان السميكة و الرديئة مما يضطرها إلى اللجوء إلى القطن المستورد رغم عيوبه!
الحقيقة الخامسة: الأعلاف ارتفعت أسعارها لدرجة أن الفلاحين يبيعون بهائمهم لأنها تستهلك أكثر مما تنتج! و صاروا يشترون اللحم بالوزن!
الحقيقة السادسة: السماد العضوي أصبح شيئا منقرضا – و الآن كل ما نأكله نبت من أرض مشبعة بكل شيء إلا السماد العضوي!
الحقيقة السابعة: الفلاحون يسقون قسما كبيرا من أراضيهم الزراعية بماء الترعة الذي صاروا يصرفون فيه مياه المجاري المستخدمة في البيوت! ما يعني الكثير من الصابون و الفضلات غير العضوية بالإضافة إلى (.....)
و البيوت صارت تبنى بالمسلح لا بالطين اللبن!
و الحنفية و "الموتور" صارت بديلا عن "الطلمبة"!
الفرن البلدي من آخر بقاياالريف المصري الجميل.
المواشي في طريقها للبيع لارتفاع تكلفة تربيتها!
الترعة يغطيها نبات ورد النيل
و تملؤها مياه الصرف الصحي!
ماء الترعة يستخرج بواسطة "موتور" و يسقي قسما كبيرا من الأرض.
ماء الآبار الارتوازية (مياه جوفية) يستخرج بواسطة آلة ضخ ميكانيكية تعمل بالجازولين و يسقي قسما كبيرا من الأرض....
الفقرة الثانية: تحويل القبلة – الإسراء و المعراج – النصف من شعبان
عن عائشة رضي الله عنها قالت: (ما رأيت رسول الله صلى الله عليه و سلم استكمل صيام شهر قط إلا شهر رمضان، و كان يصوم شعبان كله، كان يصوم شعبان إلا قليلا)
عن أسامة بن زيد رضي الله عنهما قال: قلت: يا رسول الله، لم أرك تصوم من شهر ما تصوم من شعبان، فقال صلى الله عليه و سلم: (ذاك شهر يغفل فيه الناس؛ بين رجب و رمضان ، وهو شهر ترفع في الأعمال إلى رب العالمين فأحب أن يرفع عملي و أنا صائم).
عن ابن عمر رضي الله عنهما قال: قال صلى الله عليه و سلم: (يطلع الله تبارك وتعالى إلى خلقه ليلة النصف من شعبان، فيغفر لجميع خلقه، إلا لمشرك أو مشاحن)
عن ابن عمر رضي الله عنهما قال: قال صلى الله عليه و سلم: (إذا كان ليلة النصف من شعبان اطلع الله إلى خلقه فيغفر للمؤمنين و يملي للكافرين و يدع أهل الحقد بحقدهم حتى يدعوه)
أما حادثة تحويل القبلة من بيت المقدس إلى الكعبة المشرفة فقد كانت في منتصف شهر رجب من السنة الثانية للهجرة على الصحيح، وبه جزم الجمهور، كما قال الحافظ ابن حجر في الفتح.
و بالمناسبة فإن حادثة الإسراء و المعراج كانت في ربيع الأول، و عند أهل التعديل والتجريح فإن القول بأنها كانت في رجب عين الكذب!
***
و كل عام و أنتم إلى الله أقرب ... سابقوا إلى رمضـــــــــان ...
**نعتذر لعدم ظهور الصور من قبل
الاثنين، أغسطس 04، 2008
اعمال خيريه بالشقلوب
السلام عليكم و رحمة الله و بركاته
حكلمكم عن مشاعر بيحس بيها بعض المتطوعين في المجال الخيري الإنساني
و عن افكار جديده يا ريت تعجبكم و تستفيدوا منها و تطلع صحيحه من الناحيه الدينيه
الحكايه بدأت لمّا حضرتك قررت توصل فلوس لحد مريض او تدفعها في دار ايتام او توزع ملابس او اكل .... الخ من اشكال الخير حتى لو مكانتش تبرعاتك لوحدك و حتى لو كنت مشارك فقط بالجهد و مش حاطط مليم من جيبك فيها
برده الناس الجميله دي اللى ربنا بيختارك عشان تقدم لهم الخير اللى ربنا امرك توصله ليهم بيفضلوا يدعو لك و يظهروا فرحه عظيمه بمجيئك و يشكروك من كل قلبهم
و لو حلفت لهم 100 مرة انك مجرد واسطه او ان الحاجه دي من عند ربنا
برده بيصروا يدعو لك و ساعات تسمع عبارة مشهورة ( و هي انك الخير و البركه و انه كتر خيرك انك تعبت نفسك و فكرت فيهم و ان لولاك مكانتش الحاجه راحت لهم ... الخ ) و
و لمّا حضرتك تطوعت انك توصل الإحتياجات دي لأصحابها بإيدك سواء كانت من بيتك او من اصحابك او من الناس اللى بيثقوا فيك
و جت عينك في عينهم 
حسيت بإحساس صعب و بإنك مش قادر تبص في عينيهم تاني و تالت
حسيت بخوف من الله و رعشة خجل منهم
حسيت انك مهما تواضعت و همّ مهما كانت عندهم عزة نفس
برده انت في موقف القوة و همّ في موقف الضعف
عشان انت في موقف العطاء و همّ في موقف الأخذ
كام واحد يا ترى بيؤرقه الإحساس ده .. و بيعذبه
ربنا الهمني و علمنى من اخطائي السابقه شوية افكار
ربنا يستر و تكون صح دينياً
الفكرة الأولى في موضوع الإطعام ...في ناس كتير جداً بتكون حساسه لموضوع الأكل ده و احنا داخلين على رمضان و الشنط .. عشان كده حضرتك ممكن تقول للأسرة اللى بتساعدها و عايز تمدها بمواد تموينيه ان جمعيتك ( لو كنت عضو في جمعيه ) او انك تعرف جمعيه خيريه ( لو كنت حضرتك مش متطوع في جمعيه ) ممكن تقول لهم
انك سمعت ان في جمعيه خيريه بتبيع منتجات استهلاكيه باسعار مخفضه عن السوق و انه عرض نازل لفترة محدوده و تجمع طلباتهم في ورقه و تجيبها لهم من اى سوبر ماركت عادي و بعدين تشيل السعر من عليها و تشيلها من الشنط التى تدل على اسم السوبر ماركت اللى اشتريتها منه و تحطها في شنط تانيه بدون ماركه و تقدمها لهم بأقل من ربع الثمن لكل سلعه طلبوها
مثلاً لو كيس اللبن ثمنه 3 جنيه ( او حسب عملة الدوله اللى حضرتك فيها ) تقول لهم انت انه ب75 قرش بس (برده تبع العمله ) و هكذا مع باقي السلع
و بالتالى لمّا تجمع ثمن كل المشتريات عشان تحاسبهم عليها حتلاقي اللى انت اشتريته ليهم ب400 جنيه بتحاسبهم عليه ب100 جنيهة بس ... او يمكن اقل
او لو حتعمل حاجه زي فكرة الكوبونات اللى اعلنت لكم عنها اول الأسبوع يعني تدفع فلوس في سوبر ماركت و تاخد منه بونات بقيمة المبلغ مقسمه ل50 جنيه لكل بون مثلاً ممكن ساعتها تقول لهم ان الجمعيه قدرت تجيب بونات مخفضه او مدعمه من السوبر ماركت و ان البون ب50 جنيه مشتريات لكن ثمنه 10 جنيه بس
و تبيعه ب10 جنيه لهم و تسيبهم بقى يختاروا الوقت اللى نفسهم فيه و يشتروا كمان الحاجه اللى نفسهم فيها بعيداً عن رقابتك او الحرج منك
اهم جزء بقى في الخطه انك و انت بتعرض عليهم الفكرة دي متعرضهاش من زاوية انك بتخدمهم و بتقدم لهم فرصه ذهبيه
لأ 
لأ
اوعي متاخدش بالك و اللا تبقى بتهد كل اللى عملته
حاول تفهمهم او توصل لهم احساس انك محتاج لهم بشده يساعدوك و ان محدش غيرهم ممكن ياخد بإيدك و يدفع لك ال10 جنيه تمن البون تبرع للجمعيه و ان الجمعيه محتاجه تسوق للبونات دي او للمنتجات دي بفارغ الصبر عشان تستفيد من الفلوس دي
بإختصار شقلب الوضع و خليهم همّ اللى في موقف القوة ... همّ اللى بيدوك ... همّ اللى بينفعوك .. و بيساعدوك و بياخدوا بإيدك .. لمّا يحسوا ان همّ اللى بيدفعوا
و انهم بيتبرعوا لله و بيساعدوك في الخير
الفكرة التانيه :- حاول ان تكون مساعداتك للأسر مستترة يعني مثلاً تدفع لهم فاتورة التليفون المتأخرة او الأجرة المتأخرة للشقه او المصاريف المتأخرة في المدرسه او الجامعه او تسد عنهم دين لحد غلس بيخنقهم بالسداد و تاخد منه الورق و الإيصالات اللى بيهددهم بيها ... او تسيب لهم ظرف فلوس في صندوق البسطه
او تحت ( عقب ) الباب
من غير ما تعرفهم انك انت اللى كنت طرف في ده و لو حكوا لك و همّ مستغربين مثلاً ان في حد دفع لهم و همّ مش عارفين مين هو ... حاول تكون صادق على اد ما تقدر و انت بتظهر اندهاشك ... و عدم تصديقك
و بإنك فرحان جداً ان ربنا كرمهم و ساعدهم من عنده عشان مينكسروش امامك لحظه
الفكرة الثالثه :- للى بيطلّعوا رحلات للأيتام او بيمنحوا هدايا من ملابس او لعب يا ريت تنبهوا على مشرفين الدور انهم يقولوا للاولاد انهم بيطلعوا الرحله دي او بياخدوا الهديه دي عشان تفوقهم في المجالات المختلفه زي حفظ القرآن الكريم او التفوق الدراسي او التميز في النشاط زي الرسم و كرة القدم او عشان نظافتهم ... الخ
حتى لو استلزم الأمر اعملوا لهم مسابقه ثقافيه ترفيهيه بسيطه قبل موعد الرحله بأسبوع مثلاً في الدار اللى وقع اختياركم عليها او المنطقه اللى حتطلعوا اولادها و قولوا لهم ان اللى حيفوز هو اللى حيطلع الرحله و حاولوا تنوعوا في مجالات المسابقات عشان الكل يفوز
و الهدف هو ان الأولاد ميبقوش عارفين انهم بيطلعوا الرحله دي عشان ايتام او عشان فقراء .... لانى سمعت الكلمه دي من بنت في احد الرحلات كانت بتقول للمسؤل عن المرجيحه في الملاهي بعد ما وقف اللعبه ( ما تزود شويه يا عمّ دي رحلة ايتام ) و زي ما في واحده قالتها ببساطه او ببراءه الأطفال و يمكن تكون سمعتها من حد كبير و بترددها زي الببغاء .. في نفس الوقت كانت في بنت تانيه معاها في نفس الدار و لكنها اكبر سناً بكت و تألمت من كلمتها و زعقت لها و قالت لها ( متشحتيش علينا ) ... الخ
و كتير من الأفكار اللى لو فكرتم شويه في نفس الإتجاه حتلاقوها و تبعتوها لى عشان نتبادل الخبرات ان شاء الله
شكراً
المشاركات
