التعديلات الدستورية ..... والتعديلات النفسية

السلام عليكم
طبعا أمس كانت مهزلة الاستفتاء ومسلسل الديمقراطية الزائفة

ونتيجة لهذا النتيجة بالطبع هو اقرار الافسادات الدستورية
ولذلك اعتبر هذا اليوم هو يوم التدوينة السوداء

ونتيجة لظروف شخصية خاصة جدا
اعلن مراجعة شاملة

وتقييم نفسي كليا
واسألكم الدعاء

* الصور الملونة من مدونة *

ربة السيف والقلم

أطفال الشوارع

في موجة في مصر اسمها أولاد الشوارع مهم بقالهم الفين سنة ملقحين في الشارع وطبعا كلنا عارفين الموجة دي ايه اللي قومها ان السيتة الفاتلة قالت مش ينفع كدة فكل فز وقام قال صحيح مينفعشي كدة

هتقولوا ايه اللي خلاني اتكلم عن الموضوع ده بعد الهنا بسنة

هقولكم من كام يوم وانا في المترو لقيت عيل صغير يعني في العقد الاول من عمره-اصلهم بيقولوها كدة في القصص البوليسية- وبيلف بورقة مكتوبة علي الكمبيوتر ومطبوعة -مش دي حاجة غريبة من حد عايز يشحت-

المهم شوفوا الصور وسلمولي علي المجلس الكومي للتفل

وبرضه ياريت تقيملي المدونة دي من وجهة نظرك
التصــــــــــــويـــت هنا

أنا ملحد.......بالعقل كدة3

السلام عليكم

طبعا في ناس هتستغرب من العنوان ده جدا بس هقولكم متستغربوش دول كلمتين بقيت ممكن تسمعهم من ناس في مجتمعنا وطبعا زي ما زوار المدونة يعرفوا اننا دايما مع حرية رايك علي الا تسب وتلعن وتقل أدبك لانه في الحالة دي ملكشي غير الجزمة لكن انك تقول رايك انك كافر أو كذا او كذا فدي حاجة بتاعتك وعشان احنا عندنا سلسلة في التفكير والتي قام احد الزوار -ولم يكتب لنا اسمه او اي معلومة عنه- وقام بالتعليق عليها في موضوع

بالعقل كدة ....ولا ايه ؟ (2)

وأحترم فيه عرضه وجهة نظره الا اني رايت في كلامه طريقة كان يسخر من رأيي لانه يخالف رايه وقد أفاض عليا من جهوده ودلني علي كتاب لاحد الملحدين الذين عنوانه-

وهم الاله-أعوذ بالله العظيم- ولذلك اثرت ان اعرض نقطة الايمان بالله باستفاضة

لان الموضوع في الاول والاخر قبل ان يرتبط بالعلم او التقدم يرتبط بابسط قواعد العقل ثم يرتبط باحدي فروع الرياضيات وهي الاحتمالات-معلش بقي بحكم تخصصي-

المهم يجي الواحد من دول يقول اصلا مش عارف ايه ومش عارف مين -زي مستر داوكينز اللي اخينا ذكره- قال وعاد وزاد في عدم وجود إله هي اقرب شيء للعقل وان الدين والعقل مختلفان كليا -

الدين بالنسبة لي هنا هو الاسلام وليس اي شيء آخر**

انا هاحط الموضوع كمحادثة للتبسيط

المؤمن : بالعقل كدة هو ممكن تدخل اوضتك تلاقي قميص جميل ورائع فيه 7 زراير وليه جيب وكمين وفيه 3 الوان، ممكن يكون القميص ده اتعمل لواحده كده؟؟!!

الملحد: استحالة.

المؤمن: امال جه ازاي؟

الملحد : اكيد في مصنع للقماش وبعدين صباغة وبعدين حد فصله وبعدين حد خيطه وبعدين حد عمله زراير

المؤمن: يعني حتة قميص كل دول اشتركوا عشان يعملوه وعايز تفهمني انه كل الكون ده جه كدهوه

الملحد : ايوة يا سيدي جه صدفة

المؤمن : صدفة طيب نشوف موضوع الصدفة دي.

الملحد : طيب اثبتلي انه مش صدفة؟

المؤمن : عينيا، بس كدة ز بص يا سيدي الصدفة دي حاجة بتحصل نتيجة لعدد من الاحتمالات قد تحدث وقد لا تحدث فاحنا بقي هنفرض مثلا ان عندنا ورقة مكتوب عليها كلمة عمرمكتوبة بجوار الة كاتبة اتوماتيكية يعني بتكتب لواحدها -ده فرض- عارف عشان العين تيجي في اول الكلمة احتمالة حدوثها قد ايه ؟

الملحد : قد ايه؟

المؤمن: هي 1 من 28 -28 دول هما حروف اللغة العربية اللي ممكن الالة قد تكتبهم صدفة-

الملحد :قصدك ايه؟

المؤمن: يعني كل حرف احمالية انه يتكتب هي 1 من 28 اي احتمالية كتابة الكلمة بالترتيب عمر وليس اي ترتيب اخر هي 1 من 28*28*28 أي 1 من 21952

الملحد: قصدك ايه برضه ؟

المؤمن: يعني دي حتة كلمة احتمالية حدوثها صدفة زي ما حضرتك قلت هي 1 من

21952

اتخيل بقي عدد الكواكب والنجوم وترتيبهم كل ده يقع في دائرة الاحتمالات وان في ناس علي الارض ومش علي المريخ ودرجة حرارة الشمس كذا وضع كل هذه الاحتمالات هتلاقي انها شيء غير قابل للحدوث وقد قام احد العلماء بدراسة احتمالية صدفة وجود جزيء البروتين اللي هو تتركب منه جميع الكائنات الحية عارف كانت النسبة كام واحد الي كام تريليون يعني رقم تقعد تقعد تعد فيه 20 سنة مثلا متصلة

وخلي بالك ده حته جزيء ايه رايك بقي في الصدفة بتاعتك؟

الملحد : ممكن تحصل ، طب اثبتلي ان هناك اله؟

المؤمن : بص يا سيدي انت وانت ماشي في الشارع مش ممكن تخبط في حد

الملحد : ايوة طبعا

المؤمن : رغم انك بتشوف وهو بيشوف وانت عاقل وهو عاقل

الملحد : مش فاهم

المؤمن : طيب شوف بقي الكواكب والمجرات اللي بتدور بقالها ملايين السنين ولم تخبط نفسها بنفسها ، ده اسمه دليل الحركة.

الملحد : طيب اثبتلي بالعلم

المؤمن : رغم اني اثبتلك بالعقل وعلم الرياضيات لكن هاقولك كما قال الله عزوجل في سورة الكهف-56

وادي فيديوهات

شهادات العلماء بالله ربا والاسلام دينا

اتفرج وشوف وابقي قولي ايه رايك ؟

ومستني تعليقك متنساش عشان اشوف لسه زي ما انت ملحد ولا غيرت رايك؟

وبرضه ياريت تقيملي المدونة دي من وجهة نظرك

التصــــــــــــويـــت هنا