طبعا في ناس كتير مبتقتنعشي بالكلام اللي احنا بنقوله وبيفسروه علي انه الغاء للعقل وهو علي العكس تماما نحن نعمل العقل ولكن مش عـقـل البـغـايا والـداعـرات والفساق لكنه عـقـل العــلـماء الذين لديهم من العلم ما يجعلهم مؤهلين للتفكير في مسائل الدين
يعني الموضوع مش حكر وانا هنا هاضرب مثال بسيط بهذا الفارق بين عقلين
الأول : عقل دون مرجعية بل هو عقله المطلق ونسميه عقله مِـفـَــــــــوت
والثاني : عقل ذو مرجعية فقهية ويستنبط من الدين
هنطرح سؤال بسيط حول الوضوء
واحد قاعد مع الاتنين وبيقول وانا بتوضأ غسلت الكفين في الاول وبعدين وانا بغسل ايدي في لغاية المرفقين -الكوع بالبلدي- قلت هو انا لازم اغسل الكفين تاني منا غسلتهم في الاول ولا ايه؟
راح الاخ الاولاني ابو عقل مفوت واللي عقله عجبه قال ايه صحيح مهو بالعقل كدة المهم انهم اتغسلوا في الاول في الاخر المهم انهم اتغسلوا
والاخ التاني راح رادد عليه وقاله ياأخي هو انت ممكن تصلي اربع ركعات سنة قبل الظهر ومتصليش الظهر وتقول انك صليت الظهر؟
راد ابو مخ مفوت بدأ يشتغل لا طبعا، ايه الهبل ده!!!
راح الاخ ابو مخ شغال وفايق قايله مـهـو بـالـعـقــــل كدة غسل الكفين في الاول سنة انما غسل اليدين الي المرفقين هو فرض يعني ده ميعوضش ده
ولا ايه ؟؟؟؟
مهو كل ده بالعقل برضه
بـس عــقـــل عـن عــقـــل يــفـــرق
ولا ايه؟؟؟؟؟؟!!!!!!!!!!!!
المشاركات
هناك 12 تعليقًا:
قال رسول الله صلى الله عليه و سلم
وإن العالم ليستغفر له من في السماوات ومن في الأرض
صحيح ابى داود للألبانى
و فى حديث اخر
فضل العالم على العابد كفضلي على أدناكم
حسنه الالبانى
و قال سيدنا عمر بن الخطاب رضى الله عنه
من دخل سوقنا و لم يتفقه آكل ربا لا محالة
و قال على بن ابى طالب رضى الله عنه
لو كان الدين بالرأى لكان المسح على باطن الخف اولى من المسح على أعلاه
من الكلام الجميل السابق نعرف فضل العقل الفقيه العالم و الفرق بينه و بين العقل الحلزونى المفوت
رائعة
شكرا لك يا بو خالد
كل مرة تعلق بتزيد الموضوع وتثريه
الشاب الاسكندراني
نورت المدونة وياريت متقطعش الزيارات
ماهى الازمة زى ماهى إقتصادية بقت عقلية كمان ودينية
وصل بينا الحال إن القدوة المبجلة جداااا اصبحت الاستاذة فيفى عبده
بكل بساطة كدة
إحناااا قدوةةةةةةة
بجد ربنا يطلعنا من الدنيا دى على خير
حسبى الله ونعم الوكيل
مهو كل واحد بيختار القدوة اللي تناسبه
هي شايفة نفسها قدوة وفي فعلا ناس شايفاها قدوة
بصراحة حكاية العقول دي يا نهيل كان جدتي الله يرحمها بتقول مثل حلو جدا ربنا وزع الارزاق محدش عجبه رزقه وزع العقول كل واحد عجبه عقله للاسف ان حتي في الدين كل واحد عجبه عقله زي بتاع السجاير مش بتفطر في رمضان وحاجات كتير ربنا يسطرها علينا
الله يرحم جدتك وكل المسلمين
أحلي حاجة في الناس بتوع زمان انهم كانا عارفين فين يتكلموا وامتي يسكتوا
لكن دلوقتي كله عايز يتكلم
ومش عايز غيره يفتح بقه
وربنا يسترها علينا يابا الحاج
i read the post and it seems like every time muslims talk about islam they bring up the whole concept of Aqel and the use of aqel li idrak il-lah.. there is absolutely nothing about any religion, islam included, that makes sense.. none of it.. absolutely none...
al 3qlu min al deen baraa2 ya 3aqel.. logic and religion are mutually exclusive.. 7attaa la ad5ula fittafaseel, iqra2 the God Delusion for Richard Dawkins and see how he uses reason and logic to conclude that the existence of god is very imporpable, to the extent of the improbablity of unicorns and ferries.. it's a great read.. it'll at least make you stop using the word "reason" to make it precedent for a superstitious belief in some god out there..
اولا : كنت انتظر ان تكتب اسما لتعليقك
واحييك علي ردك هنا فستزيد الافادة
ثانيا: اعتذر لعدم الرد باللغة الانجليزية التي يتضح انك تجيدها ولكن لان مدونتي باللغة العربية فساكتب ردي باللغة العربية
ثالثا: دخلت علي موقع السيد داوكينز ولكن للاسف لم اجد سيرته الذاتية لاعرف خلفيته التاريخية
رابعا: اي استفسار عقلي تجد رده عقليا برضك داخل القراءن واطرح اي سؤال حول الله والخلق وستجد رده داخل القراءن
ان لم تقتنع بالردود اللي موجودة في القراءن لحائل نفسي او اي سبب اخر
فابحث عن ردود العلماء وستجد احدهم في موضوعي هذا
http://noheal.blogspot.com/2006/11/blog-post_30.html
أو يمكنك متابعة كلمات العالم الكندي جاري ميلر
او يمكنك الدخول علي هذه الوصلة لمشاهدة فيديو لعلماء وليس رايا متعلق باراء كانوا ملحدين وهم ينطقون الشهادة بالله ربا والاسلام دينا بعد ان اكتشفوا الحق
http://www.islampedia.com/ijaz/Html/Scientist_All/Index.htm
أو يمكنك الدخول علي موقع السيد هارون يحي
ولتقرا له كما تقرا لريتشارد داوكينز
www.harunyahya.com
شهادات العلماء بافيديو
الوصلة كاملة هنا
http://www.islampedia.com/ijaz/Html/Scientist_All/Index.htm
جميله
وصحيح لو الواحد مشى ورا عقله من غير اى ارشادات هيوديه فى داهيه
امال ايه فايدة الرسل والكتب اللى ربنا ارسلها لهداية البشر
شكرا على
POST ال
وشكرا لكي اشراقتك علي مدونتي البسيطة
إرسال تعليق