السلام عليكم
اي حد هيقرا العنوان ده هيجي في باله معنيين :
الأول : إنه يوجد تسيب
الثاني : ان اللي بيتكلم ليس له قدرة علي تغيير هذا التسيب رغم اعتراضه عليه
وهنا كلامنا عن تعاملنا مع الطرقات في مصر كأشخاص
ففي أحد المرات وأنا اتصفح موقع للصور الطريفة وجدت الصورة رقم واحد وهي صورة تبين مدي تخلف الناس في النقل انهم يستخدمون اي شيء لنقل البشر حتي البلدوزر وبالتدقيق في الصورة لقيت في الخلفية مبني مكتوب عليه بالعربي كلمة فيزياء
قلت يعني جت فينا العرب وببحلق ولقيتلك الصورة التانية علطول وهي للولية السايحة وهي منشكحة أوي وكانها متصورة جنب أبو الهول ولا معبد الكرنك وفي الخلفية نفس البلدوزر وببحلق المرة دي لقيت الخلفية هي عنوان لمحل تجاري اسمه
شعبان.... ملابس تصدير وهو محل يوجد بشارع الهرم يعني أكبر شارع سياحي في مصر 
وكل بتوع المرور وكل بتوع الشرطة عدي عليهم بسهولة ويسر، مش بقولكم سايبة
وكل بتوع المرور وكل بتوع الشرطة عدي عليهم بسهولة ويسر، مش بقولكم سايبةوبعدين وانا ماشي برضك في مرة لقيت عربية نقل متروسة بشر علي اخرها وماشية ورا عربية عضو مجلس شعب سابق من الحزب الوطني مش عايز احط اسمه خلينا بنتكلم في المفيد
ياريت أي حد فينا ميشاركش في البلاوي دي
بس هنقول ايه مهي سايبة صحيح
أين حقوق الانسان في هذه الصورة وأبسط قواعد السلامة
المشاركات
هناك 5 تعليقات:
صديقى العزيز
موضوعك بيتكلم على احدي اهم مشكلاتنا فى المحروسة
وهى التسيب وعدم اتباع القواعد والالتزام بالقوانين والتى وضعت اساسا لحمايتنا والحفاظ على ارواحنا
والشيء الذي يغيظ ان كل هذا الهراء يحدث امام اعين المسؤلين والمعنيين ولكنهم لا يحسبون لنا حسابا ولا يلتفتون لمعاناتنا او حتى يتدخلون لحمايتنا
لدينا فى مصر اكبر جهاز اداري فى العالم ويشمل عدة ملايين من الموظفين ويعملون فى جهاز اداري مترهل وتحت قيادة مسؤلين شاخوا فى كراسيهم وعمت قلوبهم وعيونهم عن هموم الشعب وعن اداء واجباتهم على بالقدر الادنى حتى
كل هؤلاء الملايين من الموظفين واضف عليهم المستشارين واجهزة الرقابة ولكن لا فائدة منهم ولا رجاء
انا حزين جدا لما آلت اليه امورنا
ملحوظة:
انتاجك غزير وموضوعاتك قيمة
ولى رجاء لديك
ان تضع فاصلا زمنيا صغيرا بين كل بوست واخر حتى نستطيع متابعتك بسهولة
اشكرك على جهدك الواضح
خالص تحياتى
دمت بكل خير
يا عزيزي
وهي فين اصلا حقوق الانسان
يا راجل
يعني هي جت علي دي
الســـــلام عليكم
هى فعلا بقيت سايبة ولكن ليس الحكومة عليها كل شئ لاننا قبل ان نقول عيوب الناس لابد لنا ان نتذكر عيوب شبعنا اللى مع الزمن بقى عشوائى بطريقة تخنق وهى الاهمال وعدم حفاظهم على اروحهم
لا اعرف لماذا وصلنا الى هذه الدرجة
مصر الان فى حاجة الى اعادة رسم خريطتها من جديد من الناحية الاخلاقية والسياسية والاقتصادية والسلوكية
اللهم اصلح حالنا يااااارب آمين
كلام لوجيك :
شكرا لك متابعة المدونة ومنورها وسأراعي ذلك ان شاء الرحمن
عمرو أحمد :
يا أخي اصلح من نفسك هذا أوجهه لنفسي ولنا جميعا
أماني
شكرا لكي
ما نت قولتها: أصلها سايبة... و سايبة بالقوي....
ربنا يرحمنا برحمته و يلطف بعباده
إرسال تعليق