حوار مع مدير ... بالعقل كدة

السلام عليكم
ازيكوا يا شباب
كنت قاعد باتكلم مع المدير بتاعي (للي ميعرفشي انا شغال مهندس في مجال الطيران)
وفي وسط ما الراجل قاعد يشرح اسلوب الشغل الجديد لقيته بيقول بقي ايه انتوا بني ادميين يعني خليفة الله في الأرض
طبعا ولاني مبشوفش في الاوقات دي رحت قايله: خا ايه ؟ خليفة مين يا ريس؟
راح رادد عليا بكل حزم وثقة غريبة : خليفة الله في
الأرض! ده حتي مذكور في القرءان
اخوك الدنيا اغمقت الدنيا في وشي ورحت قايله ومين بقي اللي قال انه خليفة لله قالي امال ايه ؟
رحت رادد عليه وقلتله : ان البشر يخلف بعضهم بعضا
ابتسم وقالي: يا سلام
فقلت له : طبعا يا ريس مهو ده مش كلامنا ده كلام العلماء والمفسرين اللي هما بردك مخترعوش حاجة من نفسهم وانما هو متواتر من أصحاب النبي صلي الله عليه وسلم
قال المدير : طب ازاي الملايكة قالوا يفسد فيها ويسفك الدماء ونحن نسبح بحمدك ونقدس لك يبقي خليفة لبعضه
فرددت وقلت له انه تفسير اهل العلم : إِنِّي جَاعِل فِي الْأَرْض خَلِيفَة " أَيْ قَوْمًا يَخْلُف بَعْضهمْ بَعْضًا قَرْنًا بَعْد قَرْن وَجِيلًا بَعْد جِيل كَمَا قَالَ تَعَالَى " هُوَ الَّذِي جَعَلَكُمْ خَلَائِف الْأَرْض " وَقَالَ " وَيَجْعَلكُمْ خُلَفَاء الْأَرْض" وَقَالَ " وَلَوْ نَشَاء لَجَعَلْنَا مِنْكُمْ مَلَائِكَة فِي الْأَرْض يَخْلُفُونَ " وَقَالَ " فَخَلَفَ مِنْ بَعْدهمْ خَلْفٌ
فقال المدير: طب امال ايه لازمة العلم لو كدة يبقي هنبقي ملناش لازمة لان لدينا عقولنا لازم نشغلها
رددت وقلتله : العقول لا تعمل في النصوص
رد عماد وقاله ياريس : طب وهو ليه ربنا نزل الرسل لما العقل ممكن يشتغل لوحده
مهو كان يؤمن لوحده
وهنا قلت له ياريس : حضرتك قلت حاجة يبقي تجيب عليها دليل مش مجرد رأيك الشخصي بينما أراء اهل العم تقول بما أقوله وما يؤيده القرءان والسنة
وهنا انتهت المناقشة ولنا تكملة في الجزء الثاني