السلام عليكم
الخط الساخن هو خدمة تليفونية تقدم في المجتمعات الصحية اي التي تراعي وتخشي الرأي الشعبي فقد تقدمه الشركات الخاصة لتحسين خدماتها المقدمة للزبائن أو تقدمه الحكومات لسرعة وصول المعلومات وتلقي الشكاوي
أما في مصر فهو اما ساخن عشان بقاله كتير ملطوع في الشمس او من كثرة المكالمات المنهالة عليه دون أي فائدة ترجي منه يعني النهاردة اطلت علينا الصحف المصرية بخبر جميل قوي وهو وجود خط ساخن برقم 19805لتلقي شكاوي حديد التسليح -قال يعني الموضوع كان محتاج خط ساخن - بعد ارتفاع أسعاره بشكل مذهل مع تعطيش دائم ومستمر للسوق فحين تقرأ أسعار الحديد المنشورة بالجرائد الرسمية علي نصف صفحة وتروح عايز تشتري متلاقيش في المخازن ولو هتلاقي يبقي في السوق السودا يعني السعر أغلي كثيرا ولا يمت للسعر الحقيقي بصلة الا انه يفوقه بمراحل وده مش اول ولا أخر خط ساخن تقوم الحكومة بتخصيصه ولكن المشكلة ان هذه الخطوط ما هي الا زي الاسبرينة اللي بياخدها المريض لتسكين الألم .
واحد هيسأل ازاي ده هقوله في رقم قد تكون قراته او سمعت عنه كثيرا وهو 155 وهو يخص الجهاز القومي للاتصالات-يتلقي المشاكل الخاصة بشركات الاتصالات- وبعون الله اتصل في اي وقت من أوقات العمل الرسمية لهذا الرقم هتلاقي رسالة جاهزة بانتظارك تفيدك بانه جميع المندوبين مشغولين بالرد علي مستخدمين آخرين وان حالفك الحظ ورد أحدهم هتلاقي الكلام الجميل بتاع تحت أمرك يافندم وبيانات حضرتك وتليفوناتك وهنرد عليك في خلال عشر أيام وما ألي ذلك
بس المشكلة اني اعرف واحد عمل شكوي برقم معرفش واحد وعشرين الف -هبقي اجيبه بالظبط - من بداية شهر أربعة وحتي الان لم يتم أي شيء فيه وقعد يكلمهم لمدة أسبوع لحد ما حالفه الحظ-وده كان في شهر خمسة- وردوا وقالولوه ان الشكوي متحركتش وهنعملها استعجال يعني بدل ما تآخد عشرة أيام كما ادعوا قعدت فوق الشهرين ولم يتم البت حتي الآن
فهل يا تري الخط الساخن بتاع الحديد هيبقي زي بتاع الجهاز القومي لتنظيم الاتصالات ... ولا انتوا ايه رأيكوا
بالمناسبة نسيت أقولكم ان فيه رقم ساخن للرشاوي وهو 19648 للي قابل موظف حكومي يطلب منه الرشوة فيمكنه الاتصال بهذا الرقم والابلاغ عنه وللعلم هذا الرقم ليس اجراءا جنائيا ولا حاجة بس هو معمول كاسترشاد وتقييم للمؤسسات بحيث يصدر تقرير سنوي حول اكثر الموسسات الحكومية رشوة والاقل وهكذا
فهل من متصل
الخط الساخن هو خدمة تليفونية تقدم في المجتمعات الصحية اي التي تراعي وتخشي الرأي الشعبي فقد تقدمه الشركات الخاصة لتحسين خدماتها المقدمة للزبائن أو تقدمه الحكومات لسرعة وصول المعلومات وتلقي الشكاوي
أما في مصر فهو اما ساخن عشان بقاله كتير ملطوع في الشمس او من كثرة المكالمات المنهالة عليه دون أي فائدة ترجي منه يعني النهاردة اطلت علينا الصحف المصرية بخبر جميل قوي وهو وجود خط ساخن برقم 19805لتلقي شكاوي حديد التسليح -قال يعني الموضوع كان محتاج خط ساخن - بعد ارتفاع أسعاره بشكل مذهل مع تعطيش دائم ومستمر للسوق فحين تقرأ أسعار الحديد المنشورة بالجرائد الرسمية علي نصف صفحة وتروح عايز تشتري متلاقيش في المخازن ولو هتلاقي يبقي في السوق السودا يعني السعر أغلي كثيرا ولا يمت للسعر الحقيقي بصلة الا انه يفوقه بمراحل وده مش اول ولا أخر خط ساخن تقوم الحكومة بتخصيصه ولكن المشكلة ان هذه الخطوط ما هي الا زي الاسبرينة اللي بياخدها المريض لتسكين الألم .
واحد هيسأل ازاي ده هقوله في رقم قد تكون قراته او سمعت عنه كثيرا وهو 155 وهو يخص الجهاز القومي للاتصالات-يتلقي المشاكل الخاصة بشركات الاتصالات- وبعون الله اتصل في اي وقت من أوقات العمل الرسمية لهذا الرقم هتلاقي رسالة جاهزة بانتظارك تفيدك بانه جميع المندوبين مشغولين بالرد علي مستخدمين آخرين وان حالفك الحظ ورد أحدهم هتلاقي الكلام الجميل بتاع تحت أمرك يافندم وبيانات حضرتك وتليفوناتك وهنرد عليك في خلال عشر أيام وما ألي ذلك
بس المشكلة اني اعرف واحد عمل شكوي برقم معرفش واحد وعشرين الف -هبقي اجيبه بالظبط - من بداية شهر أربعة وحتي الان لم يتم أي شيء فيه وقعد يكلمهم لمدة أسبوع لحد ما حالفه الحظ-وده كان في شهر خمسة- وردوا وقالولوه ان الشكوي متحركتش وهنعملها استعجال يعني بدل ما تآخد عشرة أيام كما ادعوا قعدت فوق الشهرين ولم يتم البت حتي الآن
فهل يا تري الخط الساخن بتاع الحديد هيبقي زي بتاع الجهاز القومي لتنظيم الاتصالات ... ولا انتوا ايه رأيكوا
بالمناسبة نسيت أقولكم ان فيه رقم ساخن للرشاوي وهو 19648 للي قابل موظف حكومي يطلب منه الرشوة فيمكنه الاتصال بهذا الرقم والابلاغ عنه وللعلم هذا الرقم ليس اجراءا جنائيا ولا حاجة بس هو معمول كاسترشاد وتقييم للمؤسسات بحيث يصدر تقرير سنوي حول اكثر الموسسات الحكومية رشوة والاقل وهكذا
فهل من متصل
المشاركات
