عايزين يجوزوا .... بالعقل كدا

السلام عليكم

الموضوع النهاردة عن المشاعر ورغم ان موضوعات المشاعر بحطها في المدونة الأخري خزعبلات شعرية مصرية الا ان الموضوع يمس شريحة كبيرة من المجتمع المصري بشبابه وفتياته ولكثرة المُدَوِنَات التي تتحدث حول قصتهن بالأخص ومن أشهرهن غادة صاحبة مدونة عايزة أجوز والتي أسعدها الحظ باصدار كتاب - بنفس العنوان -عن طريق دار الشروق والأعم الأغلب في هذه المدونات هي اما السخرية أو اخراج الكبت النفسي والمشاركة فيه مع آخرين اما متعاطفين معك أو يشاركوك نفس المشكلة كما في موضوعي قصة صينية المهم اللي خلاني اتكلم عن الموضوع ده اني من شويتين بقرا موضوع عن زواج الأخت الصغيرة قبل الكبيرة وآلمني ما أحست به تلك الأخت كان الله في عونها

فهم يكتبون 9 مليون فتاة فوق الثلاثين وان هناك 15مليون فتاة ما بين الخامسة والعشرين والخامسة والثلاثين ولا أعرف مصدر هذه المعلومة أو دقتها وكمان صدور كتاب اسمه كيف تصطادين عريسا وهو العنوان الصادم

المهم تتراوح موضوعاتهن حول هذه النقاط

انتي جاية الدنياعشان تجوزي ولا ايه؟

ولو متجوزتش يبقي مليش لازمة ؟

دي فلانة ام بوزوعلانة المفشولة وسوسو الرعاية اتجوزوا وانا لسه ما اتقندلتش بنيلة؟

هو أنا لازم اقلع عشان اجوز؟

هو أنا لازم أخرج وأروح وأجي واهري كعوب رجلي عشان أجوز؟

وهل لو اتجوزت هتبقي سعيدة وفي قمة السعادة؟

وعشان نوصل للمشكلة لازم نبين ان أساس المشكلة هي عدم الفهم

واحدة هتسأل يعني ايه؟

هقولها يعني انتي جيتي الدنيا ليه؟ في هدف من وجودك علي هذه الأرض

"وما خلقت الجن والإنس إلا ليعبدون"56 سورة الذاريات يعني انتي جاية هنا لهدف هو عبادة الله وليس المقصو هو العبادة الخاصة-طقوس العبادة من صلاة وصوم - وانما العبادة هي كل حياتك "قل إن صلاتي ونسكي ومحياي ومماتي لله رب العالمين "162 الأنعام أي العمل ودعوة الغير واصلاح المجتمع والعطف علي المسكين

يبقي الجواز مش هو الهدف من الحياة بل هورزق زي بقية الرزق زي المال والصحة وما الي ذلك فلو الانسان متجوزش فمازال هدفه الاساسي في الحياة موجود لازم يسعي له واللي اتجوزوا وان كنت تريهم اقبح منك أو أنك اجمل منهم وأعلي درجة فلست من تفضلين الناس علي بعض"إن أكرمكم عند الله أتقاكم إن الله عليم خبير"الحجرات 13 وانما هو رزقها

طب لازم تقلعي عشان تجوزي الاجابة طبقا لما سبق لا طبعا

لان الله امرك بشيء-الحجاب- فلا تخالفيه لتحصلي علي رزقه كمن يسرق فهو لن يأخذ الا رزقه وان أخذه بالحرام فلن يبارك الله فيه بل ويُعَذََََب به

برضك ليس الخروج وكثرة الدخول سبب الزواج والا فلماذا تتزوج المنتقبات

طيب لو اتجوزتي هتبقي سعيدة ؟

هذا شيء في علم الله وكثير بعد الزواج قد طلقوا نتيجة لعدة أسباب ويكفيك ان تعلمي ان الاحصائيات الرسمية بتقول ان الزواج 58 ألف حالة سنويا والطلاق 60 الف حالة سنويا والبركة في بتوع المجلس القومي

واعذروني فقد كان الموضوع اللي قرأته لاحساس فتاه في فرح اختها الصغري مؤلما

طيب الحل ايه؟

أنا هأقولكم اسعوا لاخواتكم في الزواج اللي يعرف واحد عايز يتجوز-كويس مش حشاش مثلا- ويعرف بنت ذات خلق-من جيرانه أو من أصدقاء أخته أو أقربائه أو زميلاته في العمل - يحاول التقريب فيما شرعه الله فذلك أقل واجب لمساعدة أخواتنا

ولكم جميعا ارحموا أحاسيسهن ولا تنابزوهن بالالقاب زي عانس والكلام ده حتي وان كان هزارا لانه يؤلمهن