محامو الشيطان ...1.. بالعقل كدا

السلام عليكم

في ناس تعرف المصطلح ده وناس تانية متعرفوش

أصل المصطلح : نظرية كانت تدرسها عندنا دكتورة في عمارة وهي تقضي بالدفاع عن رأيك-الذي ينبع في الاساس من الابداع- مهما كان وتعتبر انك محامي الشيطان وكل ما يقوله أو يفعله حق مطلق

ولكن هذه النظرية انتشرت كانار في الهشيم واستخدمها كثير من الناس في كل دروب الحياة فصار الواحد يدافع ويجد من المسوغات والدلائل ما يؤيد رايه حتي وان كنت يقلب ويلوي الحقائق من أجل إظهار انه الحق وما سواه الباطل وهذا المبدأ هو كثير الاستخدام حين يكون المرء مفضوحا بباطله ولكنه يدافع عنه ولنذكر امثلة

المثال الأول : الممثلة أو الممثل أو الراقصة-حول العري والاختلاط - التي تدعي انها تقدم رسالة وان هذا ليس بحرام وما الي ذلك وتقعد تناقش فيهم والموضوع أصلا مش مستاهل نقاش عشان الحلال بين بس تلاقي محامو الشيطان زي الرز ومن كل حدب وصوب انت رجعي -اللي هو أنا يا رجالة- وانت متعرفش-ايه هو الي معرفوش ، اصلي مش عارف- وانت بتتكلم في مجال غير مجالك اللي هو ايه مجالكوا يعني ، انا بقولكم لا يجوز شرعا هذا أو ذاك مليش دعوة بمجالكم فان تعارض مجالكم مع الحلال فهو باطل

المثال الثاني : أكثرية هؤلاء في السياسة ودول بقي زي الهم علي القلب واحد هيقولي اضربلي مثل هقوله ما يحدث في مصر من ادعاء للديمقراطية والمهلبية والفزدقية ولما يجي متحدث في الجزيرة عن الحزب الوطني وواحد من الاخوان في نقاش حول العلاقة بين الاخوان والحكومة-النظام الحاكم بمعني أدق-المهم الراجل بتاع الحزب الوطني طبعا قعد يقولك دي جماعة محظورة وبيخالفوا الدستور وكلام كبير من اللي شبه الكلام ده طيب واللي يمنع الناس انها تروح ترشح نفسها يبقي بيخالف مين؟ واللي ناس عرفت تقيد نفسها في الانتخابات وميتحطوش في القوايم وياخدوا حكم بالقيد-بدائرة شرق شبرا الخيمة ةهم 12 مرشحا- والانتخابات تخلص وياخدوا حكم قضائي ببطلان الانتخابات يبقي مين اللي بيخالف؟ واحد هيسأل كل ده حصل ؟

أقوله ايوة حصل والانتخابات في هذه الدائرة حكم القضاء ببطلانها ومع ذلك زي الفل الناس نجحت وشغالة زي الفل وسلملي علي القانون والدستور

ورجع نفس الراجلبتاع الدستور والقانون-اظن القانون ده بتاع المزيكا والدستور هي المجلة المعارضة لحسن حد يفهم غلط ولا حاجة- يقولك الناس دي بتخلط الدين بالسياسة وكأن الدين محطوط في كوباية والسياسة في كوباية تانية والدكتور قايله متاخدش الاتنين مع بعض والراجل عشان بيحافظ علي صحته بيسمع كلام الدكتور

المثال الثالث : يجي وزير المالية المصري بالتليفزيون المصري ويقعد يدافع عن سلق قانون الزيادة في اسعار المحروقات وسلع اخري وايضا الضرائب علي السيارات والغريبة انهم في اي موضوع بيهم الناس بيجيبوا اتنين يتكلموا واحد مؤيد وواحد معارض الا في المرتين اللي شفت فيهم سي بطرس وهو يتكلم عن قانون العقارات الجديد وقانون الزيادة في ضرائب السيارات وما الي ذلك ويقعد يسرد المجهود الضخم والشغل بتاع الحكومة وليه هما اضطروا للزيادة غصب عنهم ياعيني

مع الملاحظة ان القانون نزل بعد فشل الاضراب جزئيا الذي كان يوافق عيد ميلاد الريس والذي ساعد في اجهاضه أيضا عملية ال30% اللي نزلت كالوبال علي الناس

يعني 30% باليمين ياخدوها

و60% يدفعوها بالشمال ولاعزاء لمن تنادي

ولمحامو الشيطان تكملة