التنصير والعقل الحقير...... بالعقل كدة 3

طبعا في ناس كتير هتتخض من العنوان وده وتقولي ايه ياعم اللي انت بتقوله ده؟

انت مروج للفتنة ومن محاربي الوحدة الوطنية والكلام القديم ده كله!!!!

وأنا اكيد هارد واقول انه بما ان موضوع العقل هو الموضوع الاساسي للمدونة -بتاعتي- اليومين يبقي نخليها متصلة مع بعضها

يعني انا لا أهين أحدا ولا أحض علي كراهية أحد بل اقول ان الاسلام يحرم علينا الاساءة الي أي أحد يحترمنا فأي واحد غير مسلم-وان كان ملحدا- يحترمنا ويتكلم باحترام وادب ويكون كلامه نقدا بناءا فأهلا به ام اصحاب السباب والكذب والافتراء فليس لهم مني الا السخرية

اولا: اي واحد نصراني يدعو لدينه فهو حقه ان يبين دينه للناس لكن ان يتطاول علي الاسلام فهذا شيء آخر

وهنا هاقول موقفين في سياق العقل

موقف مع منصر***

جاءني مهندس كنت اتعامل معه في المشغولات الهندسية -المخارط والفرايز وخلافه- المهم وقال عامل ناصح وقايلي هو بالعقل كده القراءن بيقول ايه في سورة الزمر وآية 4

وقد استغربت اني رغم معرفتي بالآية اني مش عارف الآية دي في سورة ايه ورقمها زيه!!!!

المهم رحت فاتح المصحف وهو واقف ولقيتها الآية الرابعة سورة الزمر فعلا

ومعني الكلام ده يعني ربنا لو عايز يبقاله ولد هيبقاله

طبعا اي واحد هيشغل عقله المفوت اياه هيقولك اه صحيح يعني القراءن بيثبت انه ربنا ممكن يكون له ولد اهو؟؟؟؟؟؟؟؟؟

لو حضرتك بتعرف لغة عربية او ادني معرفة بقواعدها لعلمت أن لو هنا تعني الاستحالة

يعني مينفعشي ربنا يبقي له ولد

قالي قصدك ربنا ميقدرشي

"برده أبو عقل مفوت هيتنح"

فرحت سألته هو ربنا بيظلمنا ؟

قالي :لا طبعا

رحته قايله ليه هو ربنا ميقدرش يظلمنا

قالي : لا، يقدر طبعا

قلتله هي نفس القصة

ربنا حرم علي نفسه الظلم وكذلك يقول بانه ليس له ولد

فراح هو اللي متنح

هو ده الفرق بين العقل المفوت وهو عقل معظم المنصرين حين يتكلمون عن الاسلام فياليتهم يتكلموا عن دينهم بما فيه ولكنهم يهاجموا الاسلام وهو ما ندعوه بالحقير

الموقف الثاني

حدث بين الامام أبو حنيفة أكبر من ناظر اصحاب العقول المفوتة

كان في السوق فوجد حرامي يسرق طعاما ويعطيه للفقراء

فلما سأله لما تفعل ذلك ؟

قال أسرقها فتكتب عليا سيئة واتصدق بيها فاخد عشر حسنات يبقي الفرق ليا 9 حسنات"العقل المفوت"

فقال الامام : بل تسرقها فتكتب عليك سيئة وتتصدق فلا تقبل منك لانها حراما فيكون عليك اثمها

مهو صحيح بالعقل كدة انهو واحد فيهم بيفهم؟؟

ـــــــــــــــــــــــــــــــــــــــــــــــــــــــــــــــ

***

"هو من يدعو الي النصرانية ولا يسمي مبشر لان الله عزوجل يقول "وَمَا أَرْسَلْنَاكَ إِلَّا مُبَشِّرًا وَنَذِيرًا" في سورة الفرقان آية 56

بالعقل كدة ....ولا ايه ؟ (2)

طبعا في ناس كتير مبتقتنعشي بالكلام اللي احنا بنقوله وبيفسروه علي انه الغاء للعقل وهو علي العكس تماما نحن نعمل العقل ولكن مش عـقـل البـغـايا والـداعـرات والفساق لكنه عـقـل العــلـماء الذين لديهم من العلم ما يجعلهم مؤهلين للتفكير في مسائل الدين

يعني الموضوع مش حكر وانا هنا هاضرب مثال بسيط بهذا الفارق بين عقلين

الأول : عقل دون مرجعية بل هو عقله المطلق ونسميه عقله مِـفـَــــــــوت

والثاني : عقل ذو مرجعية فقهية ويستنبط من الدين

هنطرح سؤال بسيط حول الوضوء

واحد قاعد مع الاتنين وبيقول وانا بتوضأ غسلت الكفين في الاول وبعدين وانا بغسل ايدي في لغاية المرفقين -الكوع بالبلدي- قلت هو انا لازم اغسل الكفين تاني منا غسلتهم في الاول ولا ايه؟

راح الاخ الاولاني ابو عقل مفوت واللي عقله عجبه قال ايه صحيح مهو بالعقل كدة المهم انهم اتغسلوا في الاول في الاخر المهم انهم اتغسلوا

والاخ التاني راح رادد عليه وقاله ياأخي هو انت ممكن تصلي اربع ركعات سنة قبل الظهر ومتصليش الظهر وتقول انك صليت الظهر؟

راد ابو مخ مفوت بدأ يشتغل لا طبعا، ايه الهبل ده!!!

راح الاخ ابو مخ شغال وفايق قايله مـهـو بـالـعـقــــل كدة غسل الكفين في الاول سنة انما غسل اليدين الي المرفقين هو فرض يعني ده ميعوضش ده

ولا ايه ؟؟؟؟

مهو كل ده بالعقل برضه

بـس عــقـــل عـن عــقـــل يــفـــرق

ولا ايه؟؟؟؟؟؟!!!!!!!!!!!!

وبدأت الثورة

الخبر ده مهم جدا لانه يبين ان توجيه السياسة المصرية كافة طاقات البلد نحو تثبيت أركان الجيش في كافة ارجاء البلد ومن الاخر تظبيط اللي بيخرج من الجيش في مواقع الادارة علي حساب باقي القطاعات في البد وهو ما بدأ بهذا الخبرو كذلك المعاملة التي يلقاها عساكر الأمن المركزي وهي غير آدمية بالمرة واليكم الخبر
"قام 2000 جندي من قوات أمن محافظة الغربية بعمل إضراب عن الطعام اعتراضا علي سوء المعاملة التي يلقونها من قبل قادتهم خاصة بعد وفاة زميلهم بعد أن أطلق النار على نفسه نتيجة سوء المعاملة التى يلقاها داخل معسكره من قبل قادته .
وكانت نيابة الغربية قد كشفت في تحقيقاتها حول مقتل المجند أمير حسن مصطفى - 22 سنة - أن الحادث وقع من جانب المجند الذي قام بإطلاق النار على نفسه نتيجة حالة الاستياء العامه التي يعيشها ومعه بقية الجنود من جراء معاملة القادة لهم بالاضافة إلى ارتفاع حالة الاصابات بين زملائه المجنديين لنفس السبب ، وتزايد حالات الهيستريا بين الجنود الذي راحوا يلوحون بإرتكاب أفعالا مماثلة .قد انتقل مدير أمن الغربية إلى مكان الحادث في محاولة لفض اعتصامهم المجنديين الذي بدأ يسري بشكل ينذر بكارثة قومية في جميع أنحاء الجمهورية .وكانت محافظة الغربية قد شهدت أمس الأول تبادل إطلاق النار بين أفراد من قوات الأمن الغربية مما أدى إلى وفاة المجند أمير حسن مصطفى الذي لفظ أنفاسة قبل وصوله إلى مستشفى المحلة العام بعد إصابته بطلق ناري أسفل البطن .
ومما يذكر أن تكررت حالات إطلاق النار من قبل المجندين على أنفسهم فى نفس المعسكر بمدينة المحلة الكبرى وكان آخرها فى الأسبوع الماضي عندما قام مجند بإطلاق النار على نفسه مما أدى إلى إصابته إصابة خطيرة."

منقول من موجة

بالعقل كدة .... (1)

كتير بتسمع الكلام ده اليومين دول وفي ناس بتظن ان الموضوع ده جديد بس علي فكرة الموضوع ده قديم جدا وانا كنت قريت مرة كتاب لابن تيمية بهذا العنوان عن العقل والنقل

المهم في الاول نصحح فكرة ان مجرد طرح السؤال بهذه الصيغة هو تشكيك في الدين في ناس هتقول

ازاي ؟

هنبدأ نفسر كلامنا ان الدين هو مجموعة من العلوم مرتبطة جميعها كليا وليست جزرا منفصلة

يعني ايه برده؟؟

يعني مثلا مينفعشي تيجي في الهندسة تقول الأرض كروية وتيجي في الطبيعة تقول الأرض مثلثة لا يتفقان وهكذا كانت العلوم الشرعية متسقة كلها في سياق واحد وقد حاول اعداء الدين جل جهدهم ان يهدموا هذا الدين من اصوله الا ان الله جعل لهم من يتصدي لهم ويفند اباطليهم يعني كان هناك اللي بينقض الباطل أولا بأول عشان كدة هتلاقي في حاجة اسمها أحاديث موضوعة وأخري ضعيفة وهكذا

طب نرجع للنقطة الاساسية ما هو تعريف العقل الذي يقصده اي متحدث في هذا السؤال ؟

هتلاقي التعريف مختلف ومتسع وكل واحد علي حسب ما يشوف اي الموضوع بقي هوي -ويقول عزوجل"وَلَوِ اتَّبَعَ الْحَقُّ أَهْوَاءَهُمْ لَفَسَدَتِ السَّمَاوَاتُ وَالأَرْضُ وَمَنْ فِيهِنَّ بَلْ أَتَيْنَاهُمْ بِذِكْرِهِمْ فَهُمْ عَنْ ذِكْرِهِمْ مُعْرِضُونَ " سورة المؤمنون-71 يعني انا مثلا قابلت واحدة بتقلي انها عن نفسها مش شايفة إن الصلاة هي اللي هتدخلني الجنة قلتلها اولا مش انتي اللي تقولي ولا انا اللي يقول هو الرسول صلي الله عليه وسلم وهو اللي يحدد ما ينفعنا وما يضرنا في الدين وتيجي واحدة تانية تقولك انا مش مقتنعة ان الحجاب ده بالعقل كدة من الدين ويجي واحد يقولك بالعقل كدة ازاي الخمرة حرام دي حتي فيه فوايد ووو وازاي وازاي ولو عملناها كدة تبقي زيطة وكل من هب ودب يفتي ويعك اقولكم مثال بسيط علي اللي عمل القصة ديطبعا كلنا فاكرين قصة سيدنا آدم وابليس (في سورة ص آية 75)لما أمر الله عزوجل ابليس بالسجود لآدم فرفض ابليس وشاف بقي انه افضل من آدم لانه مخلوق من نار وآدم حاجة درجة تانية مخلوق من طين ورفض السجود يعني عصي امر ربنا عشان التكبر لكنه لو سمع فأطاع لان الله هو القاضي يقضي بالحق

طب ايه المقياس ؟

المقياس من نفس النوع يعني مينفعشي توزن الأرز بالمتر ولا تقيس المسافة بالثانية

كل حاجة وليها طريقتها واسلوبها

يعني كان زمان اي عالم مسلم بيدرس العلوم الشرعية من قرءان وحديث وفقه ...الخ وبعد كدة بيدرس العلوم الدنيوية فكان بيبقي عنده المنقي- الفلتر يعني- اللي بيعرف يفرق بيه بين الكلام المخالف للشريعة والمتماشي معاها لكن دلوقتي تلاقي واحد اصلا لا يعرف ينطق اللغة العربية اصلا ولا يعرف موضع الفاعل والمفعول ولا السيرة ولا يعرف خمسة من صحابة النبي صلي الله عليه وسلم وجاي يقولك أصلي انا مش مقتنع

بل سبحان الله منذ بضعة اعوام كان أحد الشيوخ الكبار غير مقتنع عقليا -لاحظ معي- بحديث الذبابة التي في احدي جناحيها داء وفي الاخر الترياق رغم ان هذا الحديث صحيح بس سبحان الله هذا حين يترك العقل له الحبل علي الغارب ويتدخل بطريقة غريبة جدا وبعد فترة جاءت الابحاث العلمية لتثبت صحة الحديث وده بقي مثال واضح لما واحد يحط مخه أو عقله كميزان لدين الله ومثال آخر من أمثلة العقول طبعا اي واحد درس فلسفة عرف الجبرية والمعتزلة وهذه الفرق الفكرية التي تشتتت فكريا لانها اعطت العقل تفكيرا في شيء حسمه القراءن والاسلام في بساطة ودقة وهو هل الانسان مخير ام مسيرفتري هؤلاء يقولان انه مخير والاخرون يقولون انه مسير ووووو

لكن لو انظروا الي القرءان الكريم والسنة النبوية لعرفوا انه مخير ومسير !!!

واحد هيقولي ازاي ؟

هقوله يعني لو واحد وقع من علي السلم يبقي مسير لكنه لو نزل بارادته فهو مخير بين ان ينزل وان يبقي مكانه وفي كل حياته

فخلاصة الأمر ان للدين علماء درسوا قواعده وليس الدين كهنوتا علي احد ولنا ان نتبع الدليل وليس الدال فسيدنا علي يقول "اعرف الحق تعرف رجاله ولا تعرف رجال الحق لتعرف الحق" يعني اتنين اصحابك جايين يتناقشوا في مسألة واحد انت بتحبه والتاني مش بتطيقه بس اللي بتحبه معهوش حجة واللي مش بتطيقه معه حجج كثيرة يبقي تأخذ راي اللي معاه حجج سليمة وقوية ودامغة

يارب اكون قدرت اوصل المفهوم-لاني كتبته علي عجل -بسرعة يعني محدش يخف يعني - وان شاء الله اي تعليق يفيد الموضوع ويشرحه أكثر وأكثر

منتظر اي استفسار

** اسف علي التأخير في الكتابة اصلي مطحون في الشغل ادعولي

وادعو من الله ان يغفر لي ان أخطئت