ركبت "المشروع" (وسيلة مواصلات، تسمّى في غير الإسكندرية "الميكرو باص")...
و كان يركب قدامي شيخ كبير، شعر رأسه كله أبيض، حليق، يلبس لباسا مدنيا، عينه فاحصة و كلامه لاذع، فلما رآني دخلت في مجال إبصاره تفحصني ثم دار بيننا هذا الحوار اللطيف....
- ما شاء الله الدقون (يقصد كعادة المصريين: اللحى) هـنـا منـوّرة.
- ربنا يكرمك يا حاج.
- إحنا عندنا في الصعيد، أول ما نشوف دقن، و هو ساجد: نقوم شادّينه على طول.
- (متظاهرا بالمرح) ليه كدا بس؟
- آه، ما هناك أصله فيه الجماعات ... و الإخوان ... و هيصة...
- يا سلام!
- آه أمال إيه؟ يقوم رايح على المعتقل، و فيه منهم يقولوا (و أمسَكَ ذقنه محاكيا): دي دقن تايواني يا بيه..
- لو قالوا كدا بتسيبوه؟
- على طول.
- دا حاجة حلوة قوي.
- (في شيء من الفخر) المعتقل أصله في الكيلو 120 في صحراء النقب، سمك الحيطان بتاعته متر و نص، و العميد (أو قال: العقيد) فلان هناك ما يتوصّـاش، معاه دكتوراه في التعذيب.
- دا الواحد على كدا بقى ما يروحش الصعيد خالص.
- (محذرا) إوعى، خط الصعيد دا كله، بالذات أسيوط...
- دا أنا كنت ناوي الشهر دا آخد مراتي و ابني و نروح عند أهل مراتي في أسيوط!!! دا أنا ما اروحش على كدا ...
- (و كأنه أشفق عليّ أن لا أذهب لزيارة عائلية) لأ روح بس خفّ دقنك شوية ... (ثم مشيرا إلى لحيتي بشبه استياء و شبه نصيحة) مش كدا!
- آه الواحد ممكن يخـفّـها فعلا ... ربنا يستر!
...
و نزلت من "المشروع" أضرب كفا بكف (في سـرّي طبعا)...
_______________
استفتاء...
لو واحد ملتحي عايز يروح الصعيد؛ عليه أن:
- يقول: دي دقن تايواني يا بيه! إذا حصل و قبضوا عليه لا قدر الله.
- يتحمل التعذيب إذا حصل و قبضوا عليه لا قدر الله.
- يخف دقنه (لحيته) أو يحلقها.
- لا يذهب أصلا.
و كان يركب قدامي شيخ كبير، شعر رأسه كله أبيض، حليق، يلبس لباسا مدنيا، عينه فاحصة و كلامه لاذع، فلما رآني دخلت في مجال إبصاره تفحصني ثم دار بيننا هذا الحوار اللطيف....
- ما شاء الله الدقون (يقصد كعادة المصريين: اللحى) هـنـا منـوّرة.
- ربنا يكرمك يا حاج.
- إحنا عندنا في الصعيد، أول ما نشوف دقن، و هو ساجد: نقوم شادّينه على طول.
- (متظاهرا بالمرح) ليه كدا بس؟
- آه، ما هناك أصله فيه الجماعات ... و الإخوان ... و هيصة...
- يا سلام!
- آه أمال إيه؟ يقوم رايح على المعتقل، و فيه منهم يقولوا (و أمسَكَ ذقنه محاكيا): دي دقن تايواني يا بيه..
- لو قالوا كدا بتسيبوه؟
- على طول.
- دا حاجة حلوة قوي.
- (في شيء من الفخر) المعتقل أصله في الكيلو 120 في صحراء النقب، سمك الحيطان بتاعته متر و نص، و العميد (أو قال: العقيد) فلان هناك ما يتوصّـاش، معاه دكتوراه في التعذيب.
- دا الواحد على كدا بقى ما يروحش الصعيد خالص.
- (محذرا) إوعى، خط الصعيد دا كله، بالذات أسيوط...
- دا أنا كنت ناوي الشهر دا آخد مراتي و ابني و نروح عند أهل مراتي في أسيوط!!! دا أنا ما اروحش على كدا ...
- (و كأنه أشفق عليّ أن لا أذهب لزيارة عائلية) لأ روح بس خفّ دقنك شوية ... (ثم مشيرا إلى لحيتي بشبه استياء و شبه نصيحة) مش كدا!
- آه الواحد ممكن يخـفّـها فعلا ... ربنا يستر!
...
و نزلت من "المشروع" أضرب كفا بكف (في سـرّي طبعا)...
_______________
استفتاء...
لو واحد ملتحي عايز يروح الصعيد؛ عليه أن:
- يقول: دي دقن تايواني يا بيه! إذا حصل و قبضوا عليه لا قدر الله.
- يتحمل التعذيب إذا حصل و قبضوا عليه لا قدر الله.
- يخف دقنه (لحيته) أو يحلقها.
- لا يذهب أصلا.
المشاركات
هناك 10 تعليقات:
السلام عليكم
ايه يا باشمهندس هو الصعيد مش تبع الجمهورية ولا ايه
امممممممممم
طبعا هو حقيقى الامن فى الصعيد مختلف عن باقى الجمهورية طبعا لبعد الاعلام والمنظمات الحقوقية وعدم وجود وزراء من الصعيد فى الحكومة ولو فيه مش بيقولوا وامن اسيوط صعب لان اسيوط كان يوجد بها الجماعات الاسلامية والاخوان تقريبا بينتهى قوتهم او بمعنى اصح تواجدهم المنظم فى اسيوط لان باقى الصعيد الاخوان مش موجود بصورة واضحة وكذلك تواجد الحركات السياسية مثل الشيوعيين والحركات اليسارية
بس حضرتك متخافش لان اكيد حاليا كل واحد ملتحى الامن يعرف عنه كل شئ اذا لم تتعرض للمضايقات فى محافظتك فلن تتعرض لك الامن فى اى محافظة اخرى
واوعى تنسى ربنا معاك
تحياتى لحضرتك
اسفة للاطالة
فعلا...اللهم احفظنا
ماتقلقش..ملفك موجود عندهم وعليه صورتك منورة بالدقن..تروح اسيوط بأه تخليك فى اسكندرية تخليها تحلقها.. مش فارقة معاهم
طيب كنت اسأله أخبار المنتقبات ايه؟
أمانى أصلها مصممة انى اصيف فى اسوان وأنا بدأت بعد البوست بتاعك أشك فى نواياها
:)
رأيى فى الاستفتاء..لو المدام من هناك يبقى لازمن ولابد حيروح يأما حيتبلغ عنه فى أى حتة..بس مايمنعش من تيكيت صغير" ميد ان تايوان"
ولا يهمك يا عم محمد انت مشكلتك بس ان شكلك مدي على صعيدي أما لو عرفوا إنك بحري فعادي
هما عارفين إن ولاد بحري فرافير ومش بيفجروا حاجة ولا بيضربوا حد
أول مرة كنت أروح الصعيد الناس كنت باكلمهم فقاعدين يتفرجوا علي وبعدين قالوا لي إحنا عندنا الملتحين مش بيضحكوا هو انتم عندكم الملتحين بيضحكوا بس فيه تهويل في الصورة برضه
السلام عليكم و رحمة الله و بركاته
بصراحة انا مفهمتش المغزى من التدوينة دي بس لو كان الهدف هو ان الملتحي بيتعامل كدة فدة موجود في كل حتة في مصر يعني الصعيد مش حالة خاصة يعني فيه امن دولة و مباحث و كل حاجة موجودة في القاهرة او اسكندرية موجود زيها تمام في الصعيد
اما لو كان قصد حضرتك ان الكلام ده في الصعيد علشان هو الصعيد و ان بقى الصاعيدة احباب الله و الكلام ده فدة موضوع تاني اعتقد حضرتك فهمتني و علشان مكونش بكدب ده اللي انا فهمته من الاستفتاء
و كمان انا ليا عتاب على استاذنا عصفور المدينة
"أول مرة كنت أروح الصعيد الناس كنت باكلمهم فقاعدين يتفرجوا علي وبعدين قالوا لي إحنا عندنا الملتحين مش بيضحكوا هو انتم عندكم الملتحين بيضحكوا"
انا حسيت ان الموضوع ممكن يكون فيه شئ من التريقة
يمكن انا اللي فهمت غلط, ارجو من حضرتك لو كنت فهمت غلط تصلحلي
تقبلوا تحياتي
الأستاذة حفصة آسف إذا كانت وصلت رسالة معينة لم أقصدها من الكلام
وإن كنت لم أصل للمعنى السيء الذي قد يحمله الكلام
وإذا كان المفهوم هو أنني سخرت من أهل الصعيد فأكيد ليس هذا معنى مباشر من الكلام ولا أنا قصدته
ولكن ماحكيته فعلا حقيقة وهو حصل من 11 سنة بحذافيره كما حكيته
الذين جلست معهم من أهل الصعيد قالوا إن عندهم الملتحين يتسمون بالشدة والغلظة وهذا كلامهم وليس كلامي وليس بالضرورة أن يكون واقعيا فإن بعض الناس تصلهم رسائل سلبية من تصرفات البعض قد يتصرفها على طبيعته
أما أخونا محمد فأعتقد أنه مبرأ أيضا من السخرية لأنه له نسبا صعيديا
أما ما أشار إليه محمد من معاملة مختلفة للملتحين في الصعيد فهذا يحدث في بعض الأماكن فعلا ولنا خبرات وأخبار كثيرة عنه
بل إني أعرف شخصا كان يحمل أورادا صوفية وسبح حتى يتخطى التفتيش في القطار وهذا منذ سنوات أيضا
وآخر كان يحمل دائما علبة سجاير بل كان يدخن منها عند اللزوم
وأعتقد أن هذه الأوضاع تغيرت اآن شيئا ما
أمــانــى ...
وعليكم السلام
هو أنا مش خابف و لله الحمد... دا أنا فقط كنت حبيت أشرك الناس في المآسي التي تحدث خلف الجدران، و الفتن و انقلاب الموازين
تحياتى لحضرتك
أمل...
فعلا...اللهم احفظنا
أولا ما تصيفيش في أسوان عشان الناس كلها بتشتي في أسوان مش بتصيف
ثانيا لو مصرة تروحيلها، و بما إنك منتقبة خدي معاك محرم مش ملتحي .... يخفف الموضوع شوية...:)
ميد ان تايوان... اختيار موفق، مع أستاذنا عصفور المدينة أضاف من خبراته اختيار آخر و هو:
- يشيل علبة سجاير و يولع منها عند الموراقبة أو عند اللزوم!
أشكرك للزيارة الكريمة...
عصفور المدينة ...
الله يسامحك يا باشمهندس
أنا مش فرفور
و لو مش مصدق أنا ممكن أتعلم التفجير والضرب :(
نورت المدونة بقى لك مدة طويلة مابتجيش، و كمان مدونة العلوم الشرعية الناس راحت فين؟
حفصة بنت عمر...
وعليكم السلام و رحمة الله و بركاته
المغزى من التدوينة دي:
إشراك الناس في المآسي التي تحدث خلف الجدران، و الفتن و انقلاب الموازين، لأخذ الحذر والاستعانة بالله
تقبلي تحياتي
ههه البلد دي حالها مقلوب والله.
إرسال تعليق