الثلاثاء، يناير 27، 2009

دخول البيوت مش لعبه و دخول القلوب كمان مش لعبه

السلام عليكم و رحمة الله و بركاته

 

دخول البيوت مش لعبه و دخول القلوب كمان مش لعبه

 

قد يتصور البعض انى في الموضوع ده حكون متحيزه للنساء و حهاجم الرجال بشراسه بحكم اننا في مجتماعات شرقيه و المفروض يعني ان الرجل هو من يدخل البيت من بابه من اجل طلب يد بنات الناس المحترمات للزواج

 

لكن الحقيقه انا اكتشفت مؤخراً انه في لعبة الحب و الزواج هناك ضحايا مزدوجه من الطرفين يعني زي ما في رجال وحشين كمان في سيدات بشعين

 

و دايماً الحقيقه بتكون الضحايا من طرف واحد يعني نادراً ما بيطلع بالصدفه الإتنين وحشين لازم يكون حد غبي و على نياته والتاني حد ملوش قلب

 

و حبتدي كلامي بقصة شاب في اللحظه اللى بكتب لكم فيها دي عمره لا يتجاوز ال26 سنه كان عبقرى زمانه في الكمبيوتر وصل لأعلى الدرجات في العلم و اخد اكبر الشهادات و بقى بيخترع برامج و كانت كل دنيته هي جهاز الكمبيوتر في غرفته في بيتهم و جهاز الكمبيتور في غرفته في شغله

 

الشاب ده النهارده راح مستقبله كله و عايش على الأدويه و العلاجات النفسيه و المهدئات ترك وظيفته و انسحب معنوياً من حياته و اصبح في حاله تبكي لها قلوب الأمهات بقاله حوالى 3 سنوات على الحال ده  

 

تعرفوا ليه ؟؟؟

 

مش عشان لا قدر الله دخل قصة حب و فشلت

 

لا ابداً ده كل ذنبه انه عمل الصح ! بس عمل الصح زي اى شاب ابن ناس محترم يعرف ربنا

 

كل ذنبه انه دخل البيت من بابه !!!!!

 

راح لأهله و قال لهم يا بابا و يا ماما انا دلوقتي بقيت مستعد انى اختار شريكة الحياة شوفوا لى من معارفكم بنت تكون متدينه و بنت ناس

 

شافوا له واحده و اتنين و تلاته و في كل مرة كان بيحصل قبول قوى من طرف البنت لشكله و لشخصه و عيلته و مكانته

 

بس يا ريتهم كانوا بيسيبوه في حاله لغاية ما يتأكدوا من موافقتهم المتسرعه

لأ لازم المبالغه في كل شئ

 

اصلنا شعب بيعشق المبالغه

 

كان الشاب ده يروح بيته من هنا بعد اول زيارة و هو منتظر نتيجة المقابله يفاجئ ان مامة البنت المتقدم لها او اى حد من معارفها او الواسطه اللى جابتها لهم بيتصل بيهم و يبتدي يمدح في ادبه و اخلاقه و قبوله

 

و اللى تقول لهم و الله انا بنتى استخارت ربنا قبل ما تقابله و اول ما شافته قالت ده وشه مريح

 

و اللى تقول مامتها احنا المرة الجايه عايزين نقرأ فاتحه على طول مش عايزين نطول

 

و اللى كانت بتصر و همّ في بيت هذا الشاب اى في بيت العريس انهم يقرأوا الفاتحه فعلاً مع انها الزيارة التانيه فقط ما بينهم و مع انهم في بيت العريس و هذا عكس المتعارف عليه

 

مش بس الأهل و المعارف ده البنت نفسها اللى كان بيقابلها كانت بتعمل له البحر طحينه ، يقول لها امكانياتي الماديه محدوده تقول له و ايه يعني ما احنا اتقدم لنا اصحاب القصور عملنا بيهم ايه المهم القبول ، كان يقول لها حكافح كتير كانت تقول له انا عايزه اكافح معاك

 

و كل ده في الجلسات العائليه و تحت اشراف الأهل في اول او تاني جلسة تعارف و برضي كامل و مباركة الأهل و من ناحية بنات مشافهمش قبل كده و لا كان يعرفهم

 

بإختصار كانت دايماً في مبالغه انسانيه و عاطفيه من العروسه و اهلها كانت المبالغه دي بتطلع هذا الشاب في سابع سماء و بيتصور ان خلاص ربنا عوض صبره خير و كلل سعيه بالنجاح

 

اتاري الأختبار للآخر و لسه بدري على جائزة السماء

 

و للأسف بعد المرة التانيه دايماً كان بيبقى في رفض غريب و مش مبرر او مبرر بعلل خايبه انهم استخاروا تاني او ان البنت ظهر لها اعمام و زعلوا ان الفاتحه اتقرت من وراهم و رفضوا الجوازه مع ان اهل البنت همّ اللى كانوا متصربعين... الخ  

 

و زي ما طلع الشاب الغبى اللى صدق ان الدنيا لسه بخير في سابع سماء كان بينزل في سابع ارض و مرة مع مرة كره الحياه و الناس و الصح

 

و زي ما حكيت لكم عن شاب حياته اتدمرت كمان عايزه احكي لكم عن بنت كفيفه كانت عايشه حياتها و راضيه بعذابها كانت عارفه انها انكتب عليها الشقاء اول ما ربنا اختار لها تكون ابنة المجتمع الشرقي قبل ما انها تكون كفيفه

 

 لأنها لو كانت ابنة الغرب بهذه الإعاقه كانت عاشت اجمل حياة ، كانت فاهمه انه مش من حقها تحب و تتحب و كانت فاكره ان مفيش امل خلاص انها تلاقي شاب زي كل البنات يقول قلبها عليه هوه ده هي كانت مين يعني و ان معندهاش حرية الإختيار حتى ما بين المتقدمين ده اذا كان في متقدمين

 

دي تحمد ربنا و تبوس ايديها وش و ظهر انها لقيت حد يرضي بيها اصلاً

 

و في يوم من الأيام البنت دي تقدم لها شاب اصغر منها سناً بكام سنه و سليم و وسيم و مركزه في الحياة محترم

 

ياااااااااااااااااه يا ما انت كريم يا رب

 

ربنا كبير و مفيش اعدل منه عوضها الصبر و الحرمان و الخوف من بكره و نظرة بتدبح في عيون الناس مكانتش حتى شايفاها بس كانت طول الوقت حاساها عوضها تعويض جميل

 

احنا للأسف افتكرنا كده و احنا بنحضر خطوبتها

 

لكن للأسف كشفت لنا الأيام ان الدنيا دار ابتلاء و ان اختبار الله للآخر و لسه بدري على جوائز السماء

 

استكتروا البنات اصحاب القلوب السوداء هذا الشاب النبيل عليها و استخسروا تضحيته فيها يعني عملوا زي ما بيقول المثل الشعبي ( حسدوا الغجر على ظل الشجر ) بقوا يضربوا كف على كف و يقولوابقى تنازل و خطب واحده اكبر منه ، ده المبصرات في مجتمعنا الشرقي مبيلاقوش بسهوله واحد اصغر منهم في السن يرضي بيهم ، و كمان جايب لها شبكه و عامل لها خطوبه .. ده المبصرات في مجتمعنا لازم يمضوا اقرار انهم لا عايزين شبكه و لا مهر و لا خطوبه و لا اى حاجه ابداً عشان يلاقوا شاب يرضي بيهم دي و الله تضحيات كبيرة

 

و مش عايزه احكي عن سبب انفصال هذا الشاب عنها لسببين اولهم انى سمعت من البنت بس و ممكن تكون من فرط حزنها تجنت عليه بعض الشئ

 

و ثانياً ان السبب في الإنفصال مش هو موضوعي اليوم و لكن موضوعي عن المبالغه في المشاعر من الأطراف اللى بتكون واثقه انها ممكن في اى لحظه متكملش

 

اكتر جمله حكيتها البنت قطعت قلبى انها قالت له قبل ما يسيبها

 

هو انا مش صعبانه عليك

 

فقال لها امى قالت لى اللى يصعب عليك يفقرك

 

طيب كنت ليه بتتصل بيها كل يوم و تتكلم معاها بالساعات و اذا متكلمتش معاها بتزورها في البيت  

 

لمّا انت لسه بتجرّب كنت ليه بتدخل نفسك جوه قلبها كده و تعقلها بيك  

 

ما كانت عايشه في حالها راضيه بنصيبها و مبتحلمش من الدنيا بشئ

 

ليه خليت قلبها يحلم و بعد ما رفعته في سابع سماء رميته بقسوة على سابع ارض و خليته يندم

 

يندم انه صدق ان الوسيلة الآمنه لبنات الناس المحترمات هي دخول البيت من بابه و دخول القلب بإحترام و إنسانيه  

 

فرقت ايه عن اى شاب بيتلاعب بعقول و قلوب الفتيات بلا رابط شرعي

 

المبالغه !!!!؟؟؟

 

قضيتي هنا في الموضوع ده المبالغه

 

المبالغه في المشاعر في بداية الإرتباط و الإلحاح عليها بقوة من طرف من الطرفين تجاه طرف تاني حذر و خايف ، خايف يشم ريحة الورد في الجناين و يصدق ان الدنيا لسه فيها ربيع ، خايف يشوف السماء زرقاء و البحر صافي و يسمع صوت العصافير في الفجر و يشوف القمر اكبر

 

و كل جريمته انه في لحظه و بعد كل الحذر و الخوف بيصدق الكذبه .. بيصدق انه قابل قلب احبه بصدق

 

 بيصدق ان اللى دخل البيت من بابه للبنات او اللى اندخل لها البيت من بابه للشباب ناس جادين و حتى لو قابلتهم صعاب الحياة في الأول حيصمدوا لأنهم جادين لأنهم فاهمين يعني ايه زواج و يعني ايه شرع الله و مدركين لقدسية هذه الخطوة ، لأنهم فاهمين ان دخول البيوت مش لعبه و دخول القلوب كمان مش لعبه  

 

و انا مش عايزه اتكلم اكتر من كده بيتهيأ لى الصورة اتضحت 

 

و كل املى بس ان كل بنت بتوافق على الخطوبه عشان بس تعيش لها يومين حلوين و تحس انها عروسه و ترقص في الكوشه على انغام الدي جي و تستنزف اهلها في مصاريف كتير و تتمنظر وسط صاحبتها بالدبله و فستان الخطوبه و كل مشغوليات العرايس و بعدين آخر حاجه بتفكر فيها هذا الإنسان اللى بتوافق عليه على سبيل التجربه 

 

نفسي انها تاخد بالها بس ان هذا الإنسان هو انسان مش فستان بتجربه ، هو مشاعر و قلب واحاسيس مينفعش تدبحها و تدمر حياته وهي مش واخده بالها و متصورة انه حيسيبها و ياخد ست ستها و انه مش خسران حاجه طالما اخد شبكته و طالما ان اهلها همّ اللى غرموا تكاليف الخطوبه

 

كل املى بس ان كل شاب يدخل بيت من بابه و يطرق قلب فتاه بإلحاح ميكونش بس عشان هو لسه بيجرب و البنات على قفى من يشيل و طالما ان مكانلهاش في سكة الإرتباط و الصحوبيه يبقى ميضرش قراية فاتحه او خطوبة

ايه يعني لما يخطب او يرتبط 50 او 60 مرة منفعتش دي في غيرها و غيرها و غيرها ما دامت مخسرتش حاجه و متزوجتش لا قدر الله و اتطلقت و لا خرجت معاه هنا و لا هنا يبقى خلاص

 

نفسي ياخد باله بس ان هذه الإنسانه هي انسانه مش بدله بيقيسها هي مشاعر و قلب و احاسيس مينفعش يفقدها الثقه في كل الناس المحترمين و في كل المبادئ و القيم و يندمها على انها عاشت طول عمرها محترمه عشان متتعرضش لتجربة انسانيه قاسيه زي دي و بعدين تلوم نفسها و تشك في طريق الصح و المفروض و الواجب

 

وهو مش اوخد باله و فاكر انه زي ما اكتشف ببساطه في لحظه انهم مينفعوش لبعض ان هي كمان خلاص الشهر الجاي حتكون اتجوزت واحد تاني غيره و حيقدر ببساطه و راحة ضمير

 بعد سنه على الأكثر يقول لخطيبته الجديده او ضحيته الجديده انها كانت (...) بس دلوقتي هي عايشه في بيتها متهنيه و سعيده مع زوجها و اولادها

  

بقول لهم لا يا سيدتي و لا يا سيدي

 

في قلوب شفافه و نفوس بريئه متدوسوهاش برجليكم و تحطموها بقسوتكم و ماديتكم

 

في ناس غبيه لسه بتصدق ان في حاجه اسمها الناس ولاد الناس الطيبين و ان في وسائل محترمه للناس المحترمين عشان يلاقوا نصفهم التاني اللى بيبحثوا عنه من اول يوم مولدهم و اول ما يقابلوه يلاقوا كل مشاعرهم بتقول له ( ليه سايبني لوحدي طول العمر ده ) كأنهم كانوا منتظرينه عشان يشاركهم كل اشيائهم و آرائهم وادق مشاعرهم حتى الحاجات اللى كانوا بيحبوا يعيشوها لوحدهم مبقلهاش طعم من غير نصفهم التاني .. تصوروا بقى في ناس غبيه لسه بتفكر بالشكل الأفلاطوني ده   

 

بقول لكل العابثين المستهترين ارجوكم ابعدوا عن بيوت الناس دي و عن قلوبهم

 

عشان يقدر يفضل الأب يقول لبنته يا بنتى متقلديش البنات الوحشه احترمي نفسك عشان كل الدنيا تحترمك و ربنا يرضي عليكي و تلاقي الإنسان اللى يراعي ربنا فيكي

 

عشان يفضل اب يقدر يقول لبنته يا بنتى لو دخل البيت من بابه و حط ايده في ايدي راجل لراجل انا اللى ححميكي

 

عشان تفضل ام تقدر تقول لإبنها متقلدش اصحابك الوحشين احترم نفسك عشان الدنيا تحترمك و ربنا يرضي عليك اختار لبيتك المحترمه و بنت الناس

 

عشان تقدر تفضل ام تردد لإبنها قول رسول الله صلى الله عليه و سلم تخيروا لنطفكم فإن العرق دساس 

 

بقول لكل العابثين ارجوكم لا تعبثوا بالقيم المقدسه

 

انتوا عندكم الف طريقه و طريقه تعيشوا بيها حياتكم و عندكم ناس كتير يشبهوكم لكن في ناس تانيه متعرفش غير طريق الصح و بس مينفعش ده كمان تشوهوه و تدمروه و تقفلوا في وشهم آخر امل في انهم يقابلوا ناس محترمين زيهم  

 

شكراً

منار عقل

 

اللهم اجعلنى خيراً مما يظنون و اغفر لى ما لا يعلمون و ارحمني يوم يبعثون

  

 


الخميس، يناير 22، 2009

زيارة لبيت قطرة

زيارة لبيت قطرة



السلام عليكم و رحمة الله و بركاته



إزيكوا عاملين ايه



تعرفوا لمّا تحبوا حاجه قوى و تهتموا بيها طول عمركوا و في نفس الوقت تخافوا تقربوا منها لمجرد انكوا فاهمين غلط او مش فاهمين خالص



هو ده بالظبط كان حالى مع الأنسه قطرة


ودي عبارة عن حاجه صغنطوته لونها احمر


اسمها الثنائي :- قطرة دم


و ساكنه في وريدي


و فيها سر الحياة



اول مرة خرجت فيها للنور و اتولدت امام عيني كان مع اول كيس دم اتبرع بيه في حياتي


كنت سعيده بيها و كانت سعيده بيّا



شدة حبى ليها خليتني اسعي وراها و اسأل عليها و كل ما كنت اعرف عنها اكتر كل ما كان يزيد حبى ليها



عشان كده اسمحوا لنا ندعوكم دعوة متواضعه ( 14 طفل من جمعية صحبة الخير و فريق عمل جروب المنار ) انكم تشاركونا زيارتنا لبيت من بيوت قطرة عشان نسمع اكتر عنها ونفهم اكتر عن عمق دورها في الحياة و اهمية دورنا احنا في التبرع بالدم



لمّا نسمع الدكاترة



و همّ بيكلمونا عنها و بيفهمونا يعني ايه تبرّع بالدم


و يفرجونا على دورة حياتها في المعامل من اول ما بتخرج للنور من الناس اللى قلوبها بيضا لغاية ما بتوصل لقلوب املها كبير في ربنا



البيت ده يبقى المركز القومي لنقل الدم - هيئة المصل و اللقاح - بشارع البطل احمد عبد العزيز بالدقي



هو طبعاً جميل اننا نتبرع على طول مفيش وقت لإننا نفهم عشان ملايين المرضي المنتظرين



بس صدقوني و على ضمانتى لمّا بنفهم كمان بيكون الأمر اروع



موعد الزيارة لو حبيتوا يوم السبت القادم ان شاء الله


الموافق 24/1/2009 الساعه 10 صباحاً و التجمع امام باب المركز


عشان اللى عايز يتبرع و اللى عايز يفهم



اه صحيح في مفاجأة كمان و هي ان الـ 14 طفل المشتركين معانا في الزيارة دي و اللى بيوجهوا لكوا الدعوه للزيارة و اللى جايين عشان يعرفوا يعني ايه تبرع بالدم


عشان بعد 4 او 5 سنيين ان شاء الله لمّا يكبروا يتبرعوا همّ كمان بالدم


الأطفال دول جايين من ابناء الأسر التى تكفلها الجمعيات



يعني اللى بيسموهم في الجمعيات الخيريه ايتام و مرضي و مستحقين



شوفتوا الروعه



للإستفسار الإتصال على


0122938551



شكراً


منار عقل


الاثنين، يناير 12، 2009

بالصور آثار الفسفور الابيض الذي يستخدمه الصهاينة



:::ماهو الفسفور الابيض :::

الفسفور الابيض مادة نصف شفافة شبيهة بالشمع ، وعديمة اللون تميل الى اللون الاصفر وتتميز برائحة لاذعة شبيهة برائحة الثوم . ويتميز النوع المستعمل في الاغراض العسكرية بشدة نشاطه كيماويا ويلتهب عند تعرضه للآوكسجين.وعندما يتعرض الفسفور الابيض للهواء يشتعل ويتأكسد بشكل سريع جدا ويتحول البى خامس اكسيد الفسفور . ويولد هذا التفاعل الكيميائي حرارة الى حد ان العنصر ينفجر ، ليعطي لهبا أصفر اللون وكذلك ينتج دخانا كثيفا ابيض.ويصبح الفسفور الابيض مضيئا في الظلام ويستمر هذا التفاعل الكيميائي حتى استهلاك كامل المادة او حرمانها من الاوكسجين . ويبقى 15 في المئة من الفسفور الابيض في القسم المحترق من الجسم المصاب . وتعود تلك البقايا للأشتعال مجددا اذا تعرضت للهواء .لذلك يستعمل الفسفور الابيض لغراض عدة مثل اصدار دخان كثيف لتحديد مكان العدو ، وكذلك لصنع ستار دخاني يحجب روؤية تحركات القوات ، اضافة الى قدرته على الاشتعال كمادة حارقة يصعب اخماد نيرانها ، ناهيك عن قدرته على ابادة الطرف المقابل وتدمير معدات العدو وبنوع خاص ضد المركبات و اماكن تخزين النفط و الزيوت ومواد التشحيم و الذخائر . وتستخدمه القوات البحرية بكثافة اذ يساعدها في تحديد خطوط الملاحة .

::: آثاره الصحية :::

يتسبب الفسفور الابيض بحروق كايميائية مؤلمة . ويبدو الحرق الناجم عنه بالاجمال كموضع يموت فيه النسيج ، ويصبح لونه ضاربا للأصفر ويصدر رائحة شبيهة بالثوم الفاسد . والفسفور الابيض مادة تذوب في الدهن بسهولة ولذا تنفذ بالجلد بسهولة وبسرعة فور ملامستها اياة ، وتنتقل عبر اتحادها السريع مع الدهون عبر انسجة الجسم المختلفة ، ويساعد ذلك النفاذ السريع في تأخير شفاء الاصابات ، لذلك كل ما يمكن قوله هو ان الحروق الناجمة عن الفسفور الاببض تشكل قسما فرعيا صغيرا من الحروق الكيميائية والتي تشفى جميعها بشكل متأخر في الاجمال .



























الصور من الحرب الأمريكية على العراق
منقول
.

__,_._,___

الاثنين، يناير 05، 2009

شبهات حول اجتياح غزة و حول حماس

********************************************************************************

- قال رسول الله صلى الله عليه و سلم -

المسلم أخو المسلم لا يظلمه و لا يحرمه و لا يخذله ... صحيح رواه مسلم

المسلم أخو المسلم لا يظلمه و لا يُسلِمه، من كان في حاجة أخيه كان الله في حاجته، و من فرج عن مسلم كربة فرج الله عنه بها كربة من كرب يوم القيامة، و من ستر مسلما ستره الله يوم القيامة ... صحيح رواه أبو داود و الترمذي

********************************************************************************

- حول الشبهة الأولى -

سئل الشيخ حامد العلي هذا السؤال

ما رأيك يا شيخ في شخص جاهل و مجهول يقول إن حماس هي السبب فيما جرى لأهل غزة، وما واجبنا نحو أهل غـزة؟

الجواب:-

الحمد لله والصلاة والسلام على نبينا محمد وعلى آله وصحبه وبعد:

لاينبغي الالتفات إلى ما يقوله شخص مجهول فإنَّه لاقيمة لرأيه، و لا روايته في ميزان العلم، و العقلاء لايضيعون أوقاتهم في التهاتر مع المجاهيل !

لكن لو فرض أنْ قال هذا الكلام الباطل شخص معروف، فإنَّ حكمه حكم المرجِف، و المخذِّل، فيعزِّر وينكَّل به نكالاً بليغا، إذ كان يقول من الكلام الباطل، ما قد يوهن عزيمة الصمود في مواجهة عدوان صهيوني غير مسبوق على المسلمين في غـزة.

ومعلوم أنَّ اليهود الذين هم أشد الناس عداوة للذين آمنوا، بنص القرآن، ما زالوا يعتدون بالظلم، و القتل، والحصار، على أهلنا في فلسطين، لم يتوقفوا عن ذلك قط، طيلة عقـود، والسبب هو تمسك أهل الحق بحقِّهم، ورفضهم التنازل عنه، وليس لأيِّ سببٍ آخر، وكانوا يقصفون غـزَّة، فيقتلون ويجرحون منها المئات، حتى قبل أن تسيطر عليها حماس، وكذلك يفعلون في كلِّ من يتمسك بالحق المشروع في فلسطين ولهذا فالصهاينـة لايفعلون هذه الجرائم لأولياءهم من السلطة الذين فعلوا الأفاعيل في مجاهدي فلسطين.

والواجب اليوم هو تسليط الضوء على جرائم الصهاينة، ونسبة التبعة عليهم وحدهم، إذ كانـوا هـم المعتدون الظالمون، وأما أهلنا في غـزة فهـم الضحية، وهم المتعدى عليهم، وفرض على المسلمين نصرتهم.

كما يجـب التنويه بكل إعتزاز بتضحيات الصامدين من أهل غـزة فيها، وتشجيعهم على الصمـود، ودعهم بكلِّ سبيل حتى تنجلي عنهم الغمّـة.

ومعلوم أنَّ من يشيع في هذا الوقت نسبة التبعة على حماس، فإنَّه يقف في صف الصهاينة، وينفخ في بوقهم نفسه، ويحقق هدفهم الخبيث في إسقاط كل من يرفض التنازل عن الثوابت والحقوق الفلسطينة، ولهذا قلنا إن حكمه التعزير بالنكال الشديد.

كما أن الفرض اليوم التعالي عن الجراحات، والتسامي على الخصومات، والالتفات صفاً واحداً ضد العدوان، فكل من يظهر خلاف هذه الدعوة التي بها تثبت القلوب، وتتصبر النفوس، ويخسأ العدو، ويرتد خاسرا، كل من يظهر خلافها، فهو مرجـف، ومخذل، ومثبط، فإن كان جاهلا فليُعلَّـم، وإلاّ فهو مدسوس لتحقيق أهداف الصهاينة أنفسهـم.

وأما واجبنا فقد بينته في البيان الصادر قبيل العدوان الأخير وهو في الموقع، إذ كان العدوان متوقعـا فأصدرت بيانا قبيله.

والله أعلم

اقرأ الفتوى ...

********************************************************************************

- حول الشبهة الثانية -

سؤال يتردد: لماذا منعت حماس الحجاج من السفر؟ إن عقابها الإلهي الآن هو دليل على أنها كانت ظالمة و مانعة لحجاج بيت الله من أداء الفريضة!

الإجابة: حماس –تلك الفئة المجاهدة المرابطة- لم تكن لتمنع الحجاج بكل تأكيد، و إليك الأخبار التي لم يقرؤها أحد لأن الإعلام الرسمي يريـح ضمائر المستمعين و المشاهدين الذين يتكاسلون عن النصرة و التعاطف... يقول الإعلام الرسمي في براءة: المعبر مفتوح و الحجاج حصلوا على التأشيرات و الباقي أن تسمح لهم حماس بالسفر!!!

!!! إليك الأخبار...

حماس: معبر رفح لم يفتح .. و أزمة الحجاج لا زالت مستمرة

أكد المتحدث باسم وزارة الداخلية في الحكومة الفلسطينية بقطاع غزة إيهاب الغصين أن الإعلان عن فتح معبر رفح أمام حجاج القطاع في الأيام الماضية لم يكن له وجود على أرض الواقع.
وأضاف أن هذا الإعلان يهدف لإحراج حركة المقاومة الإسلامية (حماس)، مشدداً على أن أزمة الحجاج ما زالت قائمة.
وقال الغصين في تصريحات صحفية إن الإعلان عن فتح المعبر "لم يكن إلا في الإعلام فقط"، موضحاً أن السلطات المصرية لم تبلغ الحكومة المقالة في غزة بفتح المعبر كما جرت العادة.
وجدد الغصين تأكيدات الحكومة أن الحجاج الشرعيين لم يحصلوا على تأشيرات لدخول السعودية لأداء مناسك الحج.
وأضاف "وحتى الذين حصلوا على تأشيرات الحج من وزارة الأوقاف في حكومة تصريف الأعمال برام الله لا توجد لهم جوازات سفر في غزة ولا توجد كشوفات بأسمائهم".

اقرأ الخبر كاملا...

حكومة حماس تنفي منعها سفر الحجاج عبر معبر رفح

نفت حركة حماس اتهامات سلطة رام الله بشأن منعها مئات الحجاج من مغادرة القطاع بحجة عدم استكمال أوراقهم التي منحتها لهم وزارة الأوقاف في رام الله.
وقال مشير المصرى المتحدث باسم حركة حماس فى غزة: إن حماس لا تحتجز الحجاج وأنها بانتظار منح التأشيرات للحجاج وفتح المعبر كما اتهم من سماهم بفريق رام الله بالكذب والافتراء.
وتتهم حكومة حماس سلطة رام الله بالاستيلاء على عملية تنظيم الحج هذا العام على غير المعمول به دائما من تنظيم قطاع غزة لشؤون تأدية فريضة الحج، وعلى رأسها إجراء القرعة لاختيار من يحق له التوجه إلى السعودية وفقا للحصة التي تحددها الأخيرة لكل دولة.

اقرأ الخبر كاملا...

********************************************************************************

- حول الشبهة الثالثة -

طرح الكاتب الصحفي فهمي هويدي 16 سؤالا على القيادة السياسية المصرية والفلسطينية والمجتمع الدولي داعيا إياها إلى الإجابة عليه كي تحدد إلى حد كبير موقفها من تطورات الأحداث في غزة بعد العدوان الاسرائيلي الجبان والمجزرة الصهيونية التي بدأت منذ إطلالة يوم السبت الأسود و لا تزال مستمرة حتى الآن.

وأكد هويدي أن الاجابة على أسئلته التي أطلق عليها اسم "أسئلة الساعة" و عنون بها مقاله في جريدة الرؤية الكويتية تكشف إلى حد كبير أسرار العدوان وتفضح مخططاته وتضع النقاط على الحروف تجاه مواقف الدولة خاصة و أنها تشمل كافة الاستفسارات التي يطرحها الشارع السياسي العربي ويجب أن نجد إجابة لها.

وفما يلي جزء من نص مقال فهمي هويدي:

المذبحة التي وقعت في غزة تستدعي شلالات من الأسئلة منها ما يلي:

8. هل لابد أن يتحول الفلسطينيون إلى جثث أو جرحى شوههم القصف أو مرضى مشرفين على الموت حتى يُفتح لهم معبر رفح؟

9. بعدما قال مفتي مصر إن العدوان جريمة إنسانية، ما رأي فضيلته في اشتراك مصر في حصار غزة؟

15. إذا صح أن إيران أصبحت موجودة في غزة، كما ذكرت بعض التصريحات السياسية والأبواق الاعلامية، فلماذا لم يظهر أثر لأسلحتها التي توافرت لدى حزب الله وسببت ذعرا للإسرائيليين في حرب لبنان عام 2006؟ وأين عناصر الحرس الثوري الذين قيل انهم تسللوا للقطاع؟

اقرأ المقال كاملا...

********************************************************************************

- حسبنا الله و نعم الوكيل –

********************************************************************************

- قال الله عز و جل

يا أيها الذين آمنوا هل أدلكم على تجارة تنجيكم من عذاب أليم * تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ... سورة الصف

انفروا خفافا وثقالا وجاهدوا بأموالكم وأنفسكم في سبيل الله ذلكم خير لكم إن كنتم تعلمون ... سورة التوبة

لجنة الإغاثة و الطوارئ اتحاد أطباء العرب

القاهرة: 22 شارع قصر العيني – دار الحكمة

27961792-27940518

خط ساخن 0104002121

القاهرة: شارع على أمين – بجوار المخبر الآلى ومطعم البرج 24019369-خط ساخن 0100768765

الأسكندرية:22 شارع بورسعيد – الشاطبى

5907590يمكنك الإتصال بهم فيصل إليك مندوب