السلام عليكم
طبعا كل حاجة عندنا والقول المشهور في بلدنا الحلوة دي " كله تمام يافندم"
وطبعا طول ماانت في بيتك معزز مكرم مش هتحس بحاجة الا لما تخرج تختلط بالناس كمية الجرائم والبلاوي والبلطجة المنتشرة في بلدنا وتراها في الخناقات المستمرة بين أفراد المجتمع لاتفه الاسباب والبانجو اللي بيتباع علني
طبعا في ناس هتقول انت ياعم بتهلل ومكبر الليلة وانا بقول والله أبدا والفيديو ده دليل علي قولي ده كان فرح كان بطول شارع كامل حوالي 150 متر وكان مليان طرابيزات ولا اكنه فندق خمس نجوم او احدي القاعات المكيفة وكانت كل طرابيزة مزينة بجميع انواع المَزة ولم تخلو طرابيزة من طبق مليان بالبانجو والبهوات قاعدين يلفوا ويشدوا
كله ده لو كان في السرأو في الضلمه هنقول ماشي لكن زي ما هتشوفوا الفيديو والمصيبة انه كان في امناء شرطة من القسم طبعا لزوم استقرار الامن وعدم تعكير صفو اللفافين-ملحوظة منفعشي اصورهم- وحتي ولو لم يوجدوا ماذا تسمون حفلة المخدرات العلنية دي
اسيبكوا مع الفيديو
نسيت اسألكم ايه بقي تعليق السيد وزير الداخلية بتاع كله تمام ولم نتلق اي بلاغ زي حادثة وسط البلد
ولا حول ولا قوة الا بالله العلي العظيم
المشاركات
هناك 5 تعليقات:
دااا........ حشيش؟؟
انت اللي مصورها؟!!!!!
لا يمكن تكون علني كدة....
كله تمام يا ياشا لأنهم بعيد عن السياسة و الدين
يانهار مدوحس
من جهة أنا اللي مصوره
اه
عندك اعتراض؟؟؟
اصلي عقبال عندك من ساعة ماربنا فتح عليا وجبت الموبيل او كاميرا وقلت ربنا بيسرلنا حاجات رهيبة بس اللي يستخدمها وجه الفرح ده قدامي طبعا ده مش كله ان عشان احوله واجمعه وارفعه طلع عيني
المهم هي فكرة جلوة اننا اي حد معاه موبايل يلقط اي حاجة تدين الكلاب عشان لما ربنا يمن علينا بالتغيير يبقي معانا ادلة موثقة ضدهم
وازيك بقي
هو انت مصدق ان فى حد يهمة الامن فى الشارع
لأ تبقى غلطان
طالما مفيش مظاهرات او اعمال معارضة يبقى كل واحد يعمل اللى هو عايزه
انت فاكر ان فى حد يهمه امن او نظام الشارع
للأسف كل همهم يبقى مفيش مظاهرات او معارضة
اى حاجة تانية مفيش مانع
تحياتى
بس احنا مش بنقول انهم بيهمهم احنا بس زي ما قلت بنفضحهم وبعون الله في كل مكان هنفضحهم وهنوريهم انهم كلاب مسلسلة ولا يعرفوا يعملوا حاجة وكلهم بق متكلم وبس
شكرا لك مانو -علي فكرة انا بحب الاسم ده :))-
ونورتي المدونة
إرسال تعليق