صدام ..... في رحاب ربه

إنا لله وإنا اليه راجعون

في يوم العيد وكلاب الامريكان يعدمونه

في يوم العيد وكلاب العرب لايتحركون

يا كلبنا

الا تنبح

الا تخرج صوتا

الا تأخذ عبرة بان من يسالم الامريكان

ويذعن يهلك

ومن يتق الله يرزقه من حيث لا يحتسب

انا بجد عينيا دمعت لما سمعته وهو بينطق الشهادتين اثناء الاعدام

واليكم آخر ما نطق به صدام (

إن صدام قال: "اللهم إن قبضتها فارحمها فإني أشهد أن لا إله إلا أنت وحدك لا شريك لك وأشهد أن محمدًا عبدك ورسولك بسم الله الرحمن الرحيم الله أكبر الله أكبر الله أكبر اللهم أنت رحمن رحيم" ....... ثم تمتمة غير مفهومة ثم يقول "أشهد أن لا إله إلا الله وأشهد أن محمدًا رسول الله".

وأوضح مصدر في الوقف السني طلب عدم ذكر اسمه أن قوات الاحتلال طلبت منهم حضور عالم دين سني في وقائع الإعدام إلا أنهم رفضوا ذلك رفضًا قاطعًا، على حد وصفه واصفًا العملية بمجملها بأنها إهانة للمسلمين والعرب كافة، ومؤكدًا أن إيران والأمريكيين هم من أعدموا صدام اليوم.

وبذكركم بحديث النبي صلي الله عليه وسلم "من كان اخر كلامه لا اله الا الله دخل الجنة" صدق رسول الله صلي الله عليه وسلم
وبقول اللهم اغفر له وارحمه ووسع ممدخله وتجاوز عن سيئه واقبل عمله وارحمه برحمتك الواسعة

يارب اسمع منكم آمين

ويارب ربنا يتقبل منا

ويعفو عنه ويارب اشوف في كلاب السلطة يوما

اسف لاني وعدتكم اني كان المفروض موضوعي ده عن العقل والنقل

اعذروني بس المنظر والهتافات الحاقدة وتشهده قبل الشنق كانت مؤثرة جدا

بالمناسبة انا اجد صدام دخل محاكمة سياسية اي ليست قضائية عادل ةبل هي ترتيبها وتنظيمها وحتي قرارها سياسي

ولذلك ندع صدام والقول فيه وفيما فعل الي رب العالمين ولندعو له لانه مسلم مات وهو ينطق الشهادة وهو امر لا يتسني لكثير من

الناس في ايامنا هذه

متفرقات

السلام عليكم

معلش والله بس مطحون في الشغل جدا

ومفيش وقت

المهم

أولا: كل سنة وكل مسلم بخير وجعل الله له الخير اينما ذهب وهدانا واياكم الي سواء السبيل

وطبعا الكل مستني الخروف وعشان كدة جبتلكو خروف مش خسارة فيكو

ثانيا: مقلتوش رايكوا في الاغنية والشريط بتاع مشاري

ثالثا : الاحداث تتسارع اليومين دول بطريقة غريبة يعني مثلا جدو حسني طلع علينا بالقول الفصل انه لا دين في السياسة ولا سياسة في الدين يعني هنقلبها مراجيح واللي مش عاجبه يخبط دماغه في الحيط والغريب ان ده بيتزامن مع هجوم القوات الاثيوبية علي الصومال وتغاضي الولايات الامريكية حتي عن الشجب وعن مجرد ذكر دخول القوات الاثيوبية الي الصومال يعني الاسلام بيتحارب هنا وهناك وفي كل مكان

رابعا : البيه بتاعنا اللي هو أبو ريحة جنان -رئيس الوزراء- طلع علينا ببيان الحكومة وهو اقل ما يقال عليه انه غباء متناهي حيث قبله صدر تقرير الجهاز المركزي للمحاسبات الذي ينزر بكارثة ان الدين الداخلي ارتفع لما يساوي 90% من الناتج المحلي وهي كارثة اقتصادية اخري من كوارث النظام المستبد القائم حيث ان حد الخطر هو وصول الدين الداخلي طبقا للمعايير الغربية اللي هما قارفينا بيها اقصي ما يمكن هو 60%

يعني غطوني وصوتوا يا ناس

وهنقول ايه

لا حول ولا قوة الا بالله العلي العظيم

الموضوع القادم ان شاء الله

هو موضوع مهم جدا وهو عن

العقل والنقل "يعني يناقش قضية يطرحها العلمانيون كثيرا ويارب اسالك التوفيق "

متفرقات

السلام عليكم

معلش والله بس مطحون في الشغل جدا

ومفيش وقت

المهم

أولا: كل سنة وكل مسلم بخير وجعل الله له الخير اينما ذهب وهدانا واياكم الي سواء السبيل

ثانيا: مقلتوش رايكوا في الاغنية والشريط بتاع مشاري

ثالثا : الاحداث تتسارع اليومين دول بطريقة غريبة يعني مثلا جدو حسني طلع علينا بالقول الفصل انه لا دين في السياسة ولا سياسة في الدين يعني هنقلبها مراجيح واللي مش عاجبه يخبط دماغه في الحيط والغريب ان ده بيتزامن مع هجوم القوات الاثيوبية علي الصومال وتغاضي الولايات الامريكية حتي عن الشجب وعن مجرد ذكر دخول القوات الاثيوبية الي الصومال يعني الاسلام بيتحارب هنا وهناك وفي كل مكان

رابعا : البيه بتاعنا اللي هو أبو ريحة جنان -رئيس الوزراء- طلع علينا ببيان الحكومة وهو اقل ما يقال عليه انه غباء متناهي حيث قبله صدر تقرير الجهاز المركزي للمحاسبات الذي ينزر بكارثة ان الدين الداخلي ارتفع لما يساوي 90% من الناتج المحلي وهي كارثة اقتصادية اخري من كوارث النظام المستبد القائم حيث ان حد الخطر هو وصول الدين الداخلي طبقا للمعايير الغربية اللي هما قارفينا بيها اقصي ما يمكن هو 60%

يعني غطوني وصوتوا يا ناس

وهنقول ايه

لا حول ولا قوة الا بالله العلي العظيم

الموضوع القادم ان شاء الله

هو موضوع مهم جدا وهو عن

العقل والنقل "يعني يناقش قضية يطرحها العلمانيون كثيرا ويارب اسالك التوفيق "

أنا العبد وابداعات مشاري راشد

السلام عليكم

حد فيكم سمع

شريط المبدع مشاري راشد الجديد

علي العموم لو في حد مسمعوش فبقوله جرب واسمعه بقلبك

وبالذات هذه الاغنية

أنـــــــا الــــــــــعـــــــــــــبـــــــــــــد

(للحفظ دوس علي الزرار الشمال للفأرة واضغط حفظ باسم)

وكلماتها كالتالي

أنا العبد أنا العبد الذي كسب الذنوبا وصدته الأماني أن يتوبــا

أنا العـبـد الـذي أضحـى حـزينـــاً عـلى زلاته قـلـقاً كئيـبــــــا

أنا العبد الذي سطـرت علـيـه صحائف لم يخف فيها الرقيـبــا

أنا العبد المسيــئ عصـيـت سراً فما لي الآن لا أبدي النحيـبـا

أنا العبد المفرط ضــاع عـمـــري فلم أرع الشبيبة والمشـيـبـا

أنا العبـد الغريـق بلج بحــــــــرٍ أصيـح لربما ألقــى مجيبــــا

أنا العبد السـقيـم مـن الخطـايــا وقد أقـبلت ألـتمـــس الطبيـبـا

أنا العبد الشـريد ظـلمت نفـسي وقـد وافيت بابكـم منيـبــــــــا

كلمات: جمال الدين الصرصري

يارب تسمعوه بقلبكم هيفرق كتير

الداخلية عايشة في المهلبية

السلام عليكم

طبعا كل حاجة عندنا والقول المشهور في بلدنا الحلوة دي " كله تمام يافندم"

وطبعا طول ماانت في بيتك معزز مكرم مش هتحس بحاجة الا لما تخرج تختلط بالناس كمية الجرائم والبلاوي والبلطجة المنتشرة في بلدنا وتراها في الخناقات المستمرة بين أفراد المجتمع لاتفه الاسباب والبانجو اللي بيتباع علني

طبعا في ناس هتقول انت ياعم بتهلل ومكبر الليلة وانا بقول والله أبدا والفيديو ده دليل علي قولي ده كان فرح كان بطول شارع كامل حوالي 150 متر وكان مليان طرابيزات ولا اكنه فندق خمس نجوم او احدي القاعات المكيفة وكانت كل طرابيزة مزينة بجميع انواع المَزة ولم تخلو طرابيزة من طبق مليان بالبانجو والبهوات قاعدين يلفوا ويشدوا

كله ده لو كان في السرأو في الضلمه هنقول ماشي لكن زي ما هتشوفوا الفيديو والمصيبة انه كان في امناء شرطة من القسم طبعا لزوم استقرار الامن وعدم تعكير صفو اللفافين-ملحوظة منفعشي اصورهم- وحتي ولو لم يوجدوا ماذا تسمون حفلة المخدرات العلنية دي

اسيبكوا مع الفيديو

نسيت اسألكم ايه بقي تعليق السيد وزير الداخلية بتاع كله تمام ولم نتلق اي بلاغ زي حادثة وسط البلد

ولا حول ولا قوة الا بالله العلي العظيم

الثقافة الجنسية

اللفظ ده بقي منتشر قوي بقاله مدة يجي 3 او 4 سنين

ومن شوية كنت بتفرج علي حلقة اليوم السابع علي ال mbc اللي بيقدمه محمود سعد وكان مستضيف الداعية صفوت حجازي وهو المعرض ودكتورة وهي المؤيدةوكان كالعادة يتكلم عن تدريس هذه الثقافة من وجهة نظر الدكتورة منذ الابتدائي تخيلوا وكان وجهة نظر الشيخ-الذي أظنه أخطا بوجوده في حضور هذا البرنامج لعدة اسباب منها ان محمود سعد ليس مذيعا محايدا بل هو يبث فكره واقتاعاته الشخصية خلال البرنامج وثانيا لان الدكتورة ماكانتشي محجبة في ناس كتير مش هيعجبها كلامي بس انا شايف ان ده خطأ ويقول ويتفزلك هو انتوا مش عايزين الناس تستفيد هنقول لا العملية مش موضوع الاستفادة الموضوع موضوع اقرار يعني اي واحد من الناس التعبانه في مخها بتوع الحجاب لا والكلام ده هيبص هيقول اهو راجل شيخ وقاعد بيكلم واحدة مش محجبة مهي لو الحجاب فرض مكنشي قعد قدامها ويبصلها والله هتلاقوا ناس تقول الكلام ده وعندهم حق اولا في انه لم ينوه لتلك الجزئية -نخلينا في موضوعنا اللي هو

ثقافة العفاف في ناس هتقول مش كان اسمه الثقافة الجنسية هقولهم مهو ده الفرق بين اللي بيدور علي المصلحة واللي بيدور علي المفسدة

اوضح اكتر؟

مين هما الناس اللي محتاجين لثقافة العفاف الناس اما المتزوجين او المقبلين علي الزواج-أي من يطلب العفاف - بينما اي شخص اخر مش محتاجها لكن الثقافة اللي عايزين يدرسوها واللي بيسموها الجنسية اولا جنسي يعني الشق الاخر من الانسان يعني اي طرف اخر سواء حلال او حرام بينما تجد كل علماء الدين يسموها العلاقة الزوجية عشان في ديننا مش بتبقي العلاقة دي الا في الاطار الشرعي اللي اقره الدين الحنيف لكن بقي لو سمناها جنسية تبقي تشمل اي علاقة مشروعة او غير مشروعة

و زي ما دكتور كبير اتكلم في البرنامج علي الهاتف وقال ان تطبيق هذه افكرة في كلية الطب كانت فاشلة تماما-خلي بالكوا دول طلبة كلية طب مش بتوع ثانوي وابتدائي ومدارس مشتركة- وان الموضوع يجب يكون معهد او مكان يستقبل الراغبين في الزواج او المتزوجين لاعطاءهم دورات تدريبية او استشارات في المفاهيم الغلوطة وتصحيحها

وأظن ان هذا هو رأي العقل السليم لكن اننا نفتحها علي البحري وكلوا يدرس مع كله ويكون حتي مدرسي المواد دول مش مؤهلين لتدريسها دي تبقي كارثة تعليمية وهيحصل فيها ماحدث في التعليم الديني عندنا في مصر لما بقي كل اللي المسلم يعرفه في دينه -نتيجة التعليم المدرسي الاركان الخمسة وياريته بيعرف يؤديهم ازاي-مع اعتذارنا لوزير الثقافة اصلنا نعرفهم خمسة- وهو ما أدي للبحث عن المعرفة عن الدين وأوغلوا فيه بعمق ولم يتبعوا نصيحة الرسول صلي الله عليه وسلم بان يوغلوا فيه برفق فحدث التطرف والتشدد

المهم الناس بتوع ترويج فكرة تدريس المنهج الباطل

ياريت يرحمونا من الهبل بتاعهم ده وكل واحد يحط لسانه جوا بقه

سلاموووووووووووووووووووز

الحكومة الغبية ..... ودولة المهلبية

في ناس كتيرة هتقول ايه ياعم العنوان ده ؟

هما الناس عملوا حاجة ؟

هقلهم مهي دي المصيبة انهم مبيعملوش حاجة !!!

قاعدين يجتمعوا وينفضوا ويروحوا ويجوا ومسافرين ب17 مليار جنيه اه والله تكلفة الرحلات الخارجية للوزراء سبعتاشر مليار جنيه طب المفروض السبعتاشر مليار دول يجيبوا كام يعني ده لو في اقل التقديرات يجيبوا اكتر من 70 مليار بس هيهات

ولو اتكلمنا يقولوا ده استثمار مفقود فيه الامل

طب لو انت من الناس اللي ربنا من عليها وفزت بوظيفة في احدي شركات القطاع الخاص في العاشر او في منطقة تجاورها واضطرتك الظروف انك تركب الطريق الدائري هتشوف الويل عشان تركب كل يوم صبح او ليل

واحد هيسالني ازاي ؟

اقوله : الحكاية من الاول ساعة ما الحكومة المفترية راحت مزوده الاسعار لاول مرة (الوقود) راحت السلع والمواصلات ارتفعت قلنا ماشي وطلع علينا وزير البترول ورئيس الوزراء السيد منظف جيوب الملايين ينفوا نفيا قاطعا انه مفيش زيادات تانية وعكس ذلك زادت الاسعار مرة أخري وقامت المواصلات بزيادة القيمة مرة اخري يعني اللي زود مرة في زيادة البنزين وهو اصلا شغال سولار راح مزود برضه في الزيادة التانية وكذلك اللي زود في زيادة الينزين وهو شغال بنزين راح مزود في الزيادة التانية يعني هيصة والحكومة عاملة عبيطة او هي اصلا عبيطة

المهم لو جيت تركب تلاقي البشر في موفق العاشر اللي رايحين الدائري والمؤسسة اكوام لحم والسواقين والعربات بيتنكوا عليهم عشان معندناش حكومة ناصحة المهم زي ما يحب اللي خلي الاجرة بدل نص جنيه الي 75 قرش الدائري والمؤسسة بجنيه واللي بمزاج اهله برضه خلي المؤسسة والدائري واي حتة بجنيه واللي مش عاجبه يخبط دماغه في حيطة الحكومة

تتخيلوا في هبل ودولة المهلبية (المؤسسات سابقا) اكتر من كدة

وربنا يقوينا علي الناس دي لحسن الناس خلاص هيجيبوا اخرنا

رجاء حار

ازيكم جميعا

يارب تكونوا بخير

طبعا عالم التدوين ده عالم كبير ولما بتخشه كانك دخلت بيت جحا عارفينه

طب محدش يزق وبرضه للاحتياط للي مش عارفه هو عبارة عن مكان تتشابه غرفاته وطرقاته من الاخر زي ال

Puzzle

معلش عشان المثقفين بتحكم معاهم

المهم تقعد تقرا وتقرا وتقرا لغاية اما تتعب برضه القراية خير مش حاجة وحشة بس الواحد بجد ساعات يحس التدوين ده حاجة جميلة بل ورائعة وساعات يكره التدوين جدا

طبعا في ناس هتسأل ليه ؟

اقولكم ليه بقي: طبعا في ناس عندها فكر راقي وببتكلم وتناقش ودول اللي الواحد بيبسط وهو بيقرالهم حتي اللي بيكتبوا مجرد خواطرهم علي المدونة حاجة جميلة انك تقرا مشاعر انسان اخر وتشاركه احاسيسه لانه فقط احساس

الناس

التانية بقي : زي الاخ اللي اتكلمت عنه في موضوع النور والظلام لقيت بقي ناس انقح المهم واحدة شاذة هي مسمية نفسها مثلية وانا بقول شاذة ناس هتسألني تفرق اقولهم اه تفرق

وايه الفرق يا فلحوس ؟

تفكير عميق:مممم بصوا يا شباب الشذوذ في اللغة هو الخروج علي الطبيعي يعني حاجة لا تستساغ متمشيش يعني المهم اما المثلية فكأنها تحوير للمعني زي بتوع الخمرة كدة ما يسموها مشروبات هندية وعرق بلح وحوارات المهم الست دي بقي مش مشلكتها انها شاذة هي شايفة انها مبسوطة كدة

مش هنقول تتحرق ولا كلام من اللي يزعل خالص مينفعشي

هيقوم واحد ويقولي طب انت ايه اللي مزعلك؟

اقولك يا ناصح : الست دي بقي بتجتهد اه والله بتجتهد وايه امارات الاجتهاد عندها؟

صح بمناسبة الاجتهاد كل واحد اليومين دول قراله كتاب في الدين-الدين ده مش كل من هب ودب يفتي فيه ده علوم يعني أسس وقواعد مش حبة كلام مرصوص وسجع وذقن وحبة عياط زي ما الهبل بيصوروا العلماء -يجي يفتي نقوله يعني العبد لله مهندس وقرا كتاب في الباطنة أو التشريح اجي بقي واقرف دكاترة الباطنة واقولهم انتوا غلط وحمير ومبتفهموش طبعا مينفعشي ليه عشان هما بقالهم 7 سنين دراسة وبعديهم حالات مرضية وتطبيق لغاية ما يبقي دكتور بيفهم بالظبط العلم الشرعي زي ده بالظبط

نرجع لموضوعنا

بتجتهد بتقول ايه بقي الست الفلحوسة قال ايه السحاق-لغويا ما يعني الشذوذ بين النساء- مش ليها حد، ده تعزير يعني كلمتين في جنابها وخلاص اه والله ومتعرفشي انو التعزير ده مراحل كبيرة جدا

المهم يعني وبتقول انها بتحب النساء وهو ربنا هيحاسبها علي حاجة ملهاش ذنب فيها

اتخيلوا وتقول الزنا اه غلط و الشذوذ بين الرجال برضه غلط وليه عقوبة انما بين النساء دي حاجة تانية وقاعده جايبة كلام الفقهاء والغريب انها تجعل المشكلة في الايلاج يعني خلاص مبقاش في حاجة اسمها عورة بين النساء

طب ما هو ممكن واحد يزني نتيجة للحب لكن ان لله حرمات والحد الفاصل بين الحلال والحرام امر الله تعالي

يا ستي عايزة تبقي شاذة اتنيلي علي عينك

لكن انك تلفي الفقه والدين عشان تبقي شاذة فده اللي مش مقبول

انا كنت ناوي اتكلم عن ناس كتير من العينة دي بس قرفان

اشوفكم بعدين

سلاموووووووووووووووز

وزارة التخريب "التعليم سابقا"

طالب أولياء أمور إحدي مدارس اللغات الخاصة بمصر بوقف تدريس كتاب باللغة الانجليزي يسمي "تاريخ العالم ".فقد اكتشف أولياء الأمور بالمصادفة ان الكتاب الذي يدرس لطلاب الصف الأول الثانوي يتضمن ازدراء للأديان وتشويها لتاريخ الإسلام.ورصدت عريضة الدعوي التي أقامها المحاميان أحمد مرتضي حسني أبو عمرة وأحمد حافظ عددا من الأخطاء منها ما جاء في الصفحة رقم 357 عبارة عن صورة لشخص يمد يده ليلامس آخر عاريا تماما وكتب تحت الصورة بأن الله يلمس يد آدم عليه السلام الذي كان أول إنسان علي الأرض وقد نسب الكتاب هذا القول حسبما ورد في التوراة .وفي نفس الصفحة صورة لسيدة يجلس علي حجرها شخص في حالة سبات وتحت الصورة باللغة الانجليزية ان مريم العذراء تنتحب علي جسد ابنها المسيح بعد صلبه كما تحتوي الصفحة رقم 356 علي صورة تسيء لمفاهيم الإسلام منها صورة لرجل مشار إليه باللغة الانجليزية انه أبو بكر الصديق.وجاء بعريضة الدعوي حسبما ذكرت جريدة الاسبوع ، أنه لا يجوز لأحد رسم صورة للصحابة أو معالمهم.وتحتوي نفس الصفحة 356 صورة لرجل ملثم الوجه ذكر الكتاب انه صورة لسيدنا محمد صلي الله عليه وسلم.وصورة لرجل يقبل قدم الشخص الذي نسب الكتاب صورته للرسول صلي الله عليه وسلم.ويضم الكتاب صورة لفرسان ،جاء التعليق أنها لجيش المسلمين بقيادة طارق بن زياد ووصفه الكتاب بالقائد البربري.طالبت الدعوي المقامة أمام محكمة القاهرة للأمور المستعجلة بوقف تدريس الكتاب ووصفته بإنه يشكل خطرا علي طلاب المدارس وأذي لشعور المسلمين ويخلق جيلا يستهين بالمعتقدات.أرفق المحاميان مع عريضة الدعوي صورا لصفحات الكتاب مع ترجمة إلي اللغة العربية.الكتاب طبع في أمريكا ويتم تدريسه في أكثر من مدرسة ولكن الذي اكتشف التجازوات أولياء أمور مدرسة شهيرة بالتجمع الخامس -أحد أحياء مصر-.
الدعوي مرفوعة ضد وزير التربية والتعليم بصفته وإلي مدير المدرسة لسماحه بتدريس الكتاب الذي وصفته الدعوي بأنه جزء من حملة التشويه التي يشنها الغرب ضد الإسلام

قولولي الواحد يقول ايه علي مفتشي وزارة التعليم عندنا

حسبنا الله ونعم الوكيل

المطبات قصدي المقبات

السلام عليكم

الموضوع ده بيتكلم عن ظاهرة الطرق مش موجودة الا عندنا ودي بقي من خزعبلات مصرية اصيلة

وأول واحدة هي المقبات اللي ناس كتير بتقول عليها مطبات

المهم عمرك مهتلاقي في الدنيا كلها مطب بالشكل والهيئة دي الا في بلدنا العزيزة وربنا يخللنا بتوع الاحياء اللي بيتفننوا في علوها

وده اول موضوع في مواضيع الطرق

معلش اعذروني اصلي لسه بتعلم رسم