البديهيات.... والخزعبلات....بالعقل كدة

اثنان يقفان علي الطريق في عز الصيف والحرارة مرتفعة
الأول :هل ممكن نتناقش ؟
الثاني: طبعا ممكن نتناقش؟
الأول :الشمس النهاردة مزوداها في الحرارة قوي ياتري ايه السبب؟
الثاني:شمس ايه اللي طالعة؟
الأول : السلام عليكم
الثاني : رايح فين مش قلت هتتناقش
الأول : رحم الله امرؤ ترك الجدال ولو كان محقا
طبعا الموضوع بسيط انه مينفغش تناقش الناس في مسلمات أو بديهيات لانك هتبقي بتتعب نفسك وبتضيع مجهودك
واحد هيقولي ايه لازمة الموضوع ده هقله اصلي امبارح بالصدفة شفت جريدة الدستور وعلي صفحتها الأولي استفسار حول صحة الأحاديث الموجود بالبخاري وذاكر أرقام لأحاديث معينة فشدني العنوان وقلت بقي هلاقي مقال علمي حتي وان لم أتفق في النتيجة المهم فتحت الصفحة المنشودة وبدأت باستهلال القراءة لقيته بيقول هل يمكن تصديق أحاديث تصرح بان النبي كان ينسي ويسهو
بس يارجالة محدش يحوشني ورحت قافل الجريدة
اصل الراجل ده بيكلم من أولها في البديهيات
مهو النبي صلي الله عليه وسلم كان بشر يسهو وهذا لايعيبه