الاثنين، نوفمبر 27، 2006

العيب عيبكوا

علي مبدأ انتوا اللي حمير ومبتفهموش خرج علينا السيد الدكتور مفيد شهاب وزير الشئون القانونية والمجالس النيابية بالمقولة ان فاروق حسني وزير الثقافة سوف يحدد مقاصده من تصريحاته حول الحجاب لنزع فتيل هذه الازمة التي تصاعدت بشكل اكبر مما تتحمل .يعني من الاخر كل واحد يحط جزمة في بقه واسمعوا كلامه اصله رغم انه وزير وكمان بتاع ثقافة بس هي دي مشكلته من صغره الناس بتفهمه غلط اه والله والدليل اهو موضوع الحجاب الراجل مقالشي حاجة خالص غير انه عودة للوراء يعني القهقري وهي دي شتيمة دانتوا صحيح شعب مبيصدق.
ومكدبش خبر التاني وراح طلع علينا بقرار اقل ما يوصف عنه "قرار وزير ثقافة صحيح" بانشاء لجنة للثقافة الدينية تتبع المجلس الأعلى للثقافة تضم "مجموعة مختارة من العلماء الأجلاء من الجانبين الإسلامي والمسيحي" دول بقي غير المشايخ ابو ثلاتة ملاليم اللي قال عليهم مهو برضه كل واحد ومقامه والراجل عايز يفهمنا انه بيفهم في الشيوخ امال البركة تيجي منين؟!!!.
وأوضح حسني أنه "سيتم تشكيلها من قبل علماء الدين مسلمين ومسيحيين-عشان ميبقاش في تعصب في البلد يعني كلوا سواسية - ويتم اللجوء إليها في حالات تشبه الحالة التي تعرضنا لها في الفترة الأخيرة حول مسألة الحجاب".
-يعني برضه الراجل بما انه مسئول عن البلد وهو طبعا مغلطشي وجد ان الشعب بتاعنا ناقص-ثقافة يعني- وبما انه طبعا عقليته من النوع العالي اللي هيا فوق والناس مش هتوصلها فقرر الراجل من مبدأ المسئولية اولا انه يعلمهم ازاي يرتقوا للمستوي الشكيلي بتاعه والسيرياليه الفكرية -وتابع الوزير المصري إن "الأزمة التي وقعت مؤخرا كشفت الكثير من القضايا التي يجب أن يتم التنبه لها لخدمة الوطن وتماسكه كما كشفت أن السياسة الثقافية بالوزارة ينقصها شيء هام وجوهري هو لجنة للثقافة الدينية".-تصفيق حاد يا رجالة بجد بقي الراجل ده بيكلم جد بأمارة أركان الاسلام الخمسة ازاي كلنا الجهلة والغوغاء نقول عليهم خمسة الله ينور يا سيادة الوزير - وأوضح أن اللجنة "سيناط بها مهمة البحث في هذا النوع من القضايا والمسائل الحساسة والإشراف على المؤلفات الصادرة عن وزارة الثقافة والحوار والتآخي بين أفراد الشعب مسلمين ومسيحيين".-واللجنة دي بقي علي اساس ان الازهر رفض تصريحاته فلازم نجيب علماء ولا اقولك يا سيادة الوزير احنا نجيب علماء محترفة اه وسعرهم كويس وكدة نضرب استغلال الازهر اللي خاوتلنا دماغنا كل شوية واديهم يتهدوا شوية فكرة ابليسية مش كدة فكر فيها شوية!!!
أما السيد مهدي عاكف مرشد الاخوان المسلمين فقد اختلط عنده الحق بالباطل فقد علق علي الحادث بقوله في تصريح فاجأ الكثيرين : إن الأزمة التي أثارتها تصريحات وزير الثقافة فاروق حسني ضد الحجاب أخذت أكثر مما تستحق وأنه تم استغلالها في مجلس الشعب بشكل سيء.
وقال مهدي عاكف في اتصال هاتفي ببرنامج العاشرة مساءا يوم السبت على قناة دريم إنه يعتقد أن تصريحات الوزير ناتجة عن الثقافة الغربية التي تربى عليها وأن له سوابق تنم عن توجهه هذا.-وده بصراحة عنده حق فيه تماما-
وأشار عاكف أن الوزير أخطأ في تصريحاته ضد الحجاب ويجب أن يعتذر-وده برضه عنده حق فيها-، لكنه حتى وإن لم يعتذر فلا يجب أن تأخذ القضية أكبر من حجمها لأن الجميع يعلم أن الحجاب فريضة إسلامية ولا يوجد عالم إسلامي واحد يشكك في هذا.
وأكد المرشد أن مصر تعاني من مشاكل وأزمات أكبر وأخطر ألف مرة من الحجاب مثل الاستبداد والفقر والبطالة والفساد والتدهور الخطير في التعليم والصحة.-هنا بقي يكمن الغلط فليس في الدنيا كلها حاجة اهم من دين المسلمين فلا أظن ذلك يعني النهاردة لو سكتنا علي الحجاب بكره هيقولوا الصلاة رفاهية ولازم نقلل المساجد زي ما العمرة اهدار لاموال الدولة لكن الناس اللي بتستورد أكل سخن من فرنسا بالطيارة مش اهدار والنوادي الليلية التي تملا شارع الهرم والخمور ده كله مش اهدار للمال علنا وووووووووكفاية كدةلحسن تعبت
اشوفكم علي خير

ليست هناك تعليقات: