طبعا الموقف ده الواحد بيقابله كتير
هتقولي ايه هو الموقف ده ؟
هقولك ان الناس عندنا بقي عندهم هواية وهوس اسمها تقسيم الناس يعني دول اتجاه ودول اتجاه تاني ودول اتجاه تالت وكل اتجاه عكس التاني
واحد هيقولي مش فاهم حاجة
هوضح واقوله يعني اي حد يخش المدونة دي يقولي انت اخوان والتاني يقولي انت سلفي والتالت يقولي انت مش عارف ايه والرابع واكيد واحد هيجي يقولي انت ارهابي
ويبقي السؤال انت مع مين ؟ معانا ولا مع التانييييييييييين؟
ياعم تانيين مين ؟!!!
يقولك :انطق بسرعة
والواحد يتنبح صوته يا جماعة الموضوع موضوع نقاش
يعني حضرتك هتقولي انا بكره الفكر السلفي يعني معلش حضرتك غلطان
اه غلطان ماتبرقشي
وواحد تاني يقولك انا بكره الاخوان ومش بطيقهم وهكذا
يا حبايبنا الموضوع موضوع نقاش حول موضوع يعني ممكن نتفق في راي مع ناس في موضوع ونختلف في سبعين موضوع اخر
المهم ان يبقي في دليل للاقناع دليل قوي واننا نبني في الاول ارضية مشتركة للنقاش
مش كل واحد يقعد يهاتي وفي الاخر نتخانق وكل واحد يقوم لاوي بوزه
يلا كفاية كدة ويارب يكون الموضوع وضح
نتناقش في اي موضوع منفصل عن باقي المواضيع قشطة
المشاركات
ليست هناك تعليقات:
إرسال تعليق